Matiu 27:26 - DAWAN BÎLA AISKA

²⁶ Bara Pailat mita Barabas ba pri sakan; ningkara, Jisas ba yan wipan, bara baha nani mihta ra mangkan dus prihni ra sabaia.

Matiu 27:26 ပူးပေါင်းရင်းမြစ်များ

Aiseya 50:6

Yang nini ba ai praprukra nani ra yabri, ai wipan, yang maiwan nani ba sin wan unmaya dadaikra nani ra yabri, bara maiwan ba sin yukukras kapri saura aisi nani ba wina, yabalaya ni ai tuhbi kan ba sin.

Aiseya 53:5

Sakuna witin ba rausauhkan kan yawan lika Dawan mapara babura nani takan tâka mita, wipan, ai taya klungwan yawan wan saurka nani ba tâwan; yawan ra wan kupia kumi lâka ba wankaia klalka ba witin purara sunan, witin ai wîna sukwanka nani ba mita yawan nani wan rakan.

Matiu 20:19

Ju apia nani mihta ra mangkbia witin swira daukaia mata, prukbia bara dus prihni ra sabia; sakuna yu yumhpa ra, pruan wina kli bukan kabia.

Mark 10:34

Ai lawaska kikbia, yabalaya tuhbia, prukbia, bara ikbia, sakuna yu yumhpa ningkara, witin pruan wina kli bubia.”

Mark 15:15

Bamna Pailat mita upla nani ba wal pain kaia dukiara, Barabas ba pri sakan; bara Jisas lika klala ni wipaia blikan, ningkara yan dus ra sabaia.

Luk 23:16

Bamna yang wipi muni, lanhkamna.

Jan 19:1

Bamna Pailat mita adar yan Jisas ba bri si wipbia.

Jan 19:16

Baku mika, Pailat mita Jisas ba witin nani mihta ra mangkan dus prihni ra sabaia, bamna witin nani mita Jisas ba brih wan.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.