Matiu 27:24 - DAWAN BÎLA AISKA

²⁴ Pailat witin sip diara daukras kan kaikan, bara bin lika kau tara taki kan ba ra, adar yan lî bri sal yabia, bara upla sut mawanra ai mihta nani sikbi, win: —Naha waitnika pruaia pâtka na man nani daukisma; yang baha tilara âpu.

Matiu 27:24 ပူးပေါင်းရင်းမြစ်များ

Lawana Nani 26:6

Dawan, mihti bara mini nani sikbi pâtkas sna, saurka wina; baku bamna, yang lika man altarkam lamara waia want sna,

Jirimaya 2:27

man nani dus kum pâwi ba ra wisma: ‘Man ba yang aisiki’, walpa kum ra sin baku wisma: ‘Man ba yang yaptiki’. Bara yang tani ra lika, ninam lakram, mamwan lika apia. Ban sakuna, pât kum aula ba ra lika man nani ai wisma: ‘¡Bal ai swaki ai sâks!’

Jirimaya 2:35

Sakuna man baha sut dauki si bara aisisma: ‘Yang lika pâtkas. Gâd kupia baiwanka maipara âpu sa.’ Bamna aitani, man pat aisisma man saura daukras, sakuna lâ daukaia piua kum mangkaisna.

Matiu 26:5

Sakuna witin nani naku aisi kan: —Lilia yua tara ra lika apia, upla nani unsabiara sîa.

Matiu 27:19

Pailat lâ daukaika pliska ra iwi kan ba ra, ai maya ai bîla bliki, naku win: “Baha waitnika kasakkira ba tilara dimpara, witin pâtka mita na tihmia yang yaprisauhkan saura pali kum kaikri bamna.”

Matiu 27:23

Bara Pailat bila: —¿Bamna, witin na dîa saurka daukan sa ki? Sakuna witin nani kli ai pura winan: —¡Dus prihni ra sas!

Matiu 27:4

naku win: —Yang saura daukri, waitna pâtkas kum prura pâtka ra mangkri bamna. Sakuna witin nani bila: —¿Bara baha ba yang nani maipara dîa sa ki? ¡Ba lika man kaikma si!

Matiu 27:54

Bara suldiar kiaptinka bara wala nani Jisas ra aihwaki kan ba kira, tasba nikban bara diara wala nani takan ba kaiki, sibrin tara daukan, bara naku win: —¡Kasak pali naha waitnika na Gâd Luhpia kan!

Matiu 27:9

Bara baku, prapit Jirimaya aisin kan ba aimakan: “Silbar mâ 30 ba bri banhwan, baha ni Israel luhpia nani mita ai praiska mangkan kan ba,

Jan 13:9

Saiman Pita bila: —¡Ban kaka, Dawan, mini nani baman sikpara, sakuna mihti nani bara laila sin siks!

Jan 19:4

Pailat kli taki bal, witin nani ra win: —Kaiks, witin ba nahara brih aulna, bamna man nani kaikma yang bui witin ra watawanka kumi sin sakras pali sna.

Apastil Nani Sturka 3:14

Baha uplika holikira bara kasakkira ba pri sakaia makabaia ba watlika ra, man nani upla saurakira pali kum ni pri sâkbia makabatma.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.