Matiu 27:12 - DAWAN BÎLA AISKA

¹² Bara prîs wihta nani bara wihta almuk nani mita ai dahra saki kan ba ra, Jisas pana diara kumi sin aisaras kan.

Matiu 27:12 ပူးပေါင်းရင်းမြစ်များ

Aiseya 53:7

Saura pali rausauhkan, sakuna witin bawan lâka ra wan, bara ai bîla sin sakras kan; bara sîp baku ikaia pliska ra brih wan bara ai bîla prakan kan, ai bîla sin kwâkras kan sim sîp kum taya irbi ba baku.

Matiu 26:63

Sakuna Jisas sâp kan. Bara prîs nani wihtka ba mita win: —Gâd rayakira ba nina ra, swer taki mamkabi walisna man ba kasak ba kat aisama. Wan wis man ba Misaya, Gâd Luhpia sma sapa.

Matiu 27:13

Baha mita Pailat ba makabi walan: —¿Diara mampara aisan ba walras sma ki?

Matiu 27:14

Sakuna Jisas pana witin ra diara wiras; bara wihta tara ba tâ iwan, bamna dîa lukaia sapa sin kaikras kan.

Luk 23:9

Diara uya makabi walan, sakuna Jisas pana diara aisaras kata.

Apastil Nani Sturka 8:32

Ulbanka pîs witin aisi kaiki kan ba lika naku kata: “Witin ba sîp baku ikaia pliska ra brih wan kata; sîp luhpia bîlas baku ai tâwa âirbra ba mawanra kan, baku sin witin ai bîla kwâki diara aisaras kan.

1 Pita 2:23

Witin ra lahtubi kan ba ra, pana lahtuban kumi sin aisaras kata; pât nani yaban wahwi kan ba ra, pana witin mita saura munaia wiras kata, sakuna ai tânka nani ba Gâd mihta ra mangki kan, witinka kasakka lâka kat lâ dauki ba.