Matiu 26:72 - DAWAN BÎLA AISKA

⁷² Bara Pita kli swer taki pali apia win, naku aisi: —¡Baha waitnika yang kakaira apia!

Matiu 26:72 ပူးပေါင်းရင်းမြစ်များ

Impakan Sturka 20:7

“Dawan Gâdkam nina ba, diara bahki lâka daukaia dukiara brih mâkpara. Kan witin ai nina diara bahki daukaia dukiara brih mâki nani ba, klala yabras ban pâtka swih tikbia apia sa bamna.

Aiseya 48:1

“Jekob watla uplika, man nani naha na wals, Israel nina ni mâki ninam mâkan ba, bara man nani ba Juda kiamka, Dawan nina ra swer taki nani sma ba; bara puram suni daukisma ba, Israel Gâdka dukiara, sakuna wapni lâka ra apia, kasakka lâka ra sin apia;

Sakaraya 8:17

bara pana pana saura munpara, swer taki kunin aisapara. Kan baha sut yang misbara kaikisna. Yang, Dawan, kasak aisisna.”

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Matiu 26:71

Pita pat dur lamara auya kan ba ra, alba mairin wala kum mita kaiki, bahara kan ba ra win: —Naha waitnika sin Jisas Nasaret wina ba wal tauki kan.

Matiu 26:73

Kau naika mapa ra, bahara kan nani ba Pita lamara aidrubi bal, win: —Kasak pali, man sin baha nani tila wina kum sma, bîlam aisisma ba ra latan sa bamna.

Matiu 26:74

Baha wina mahka witin swer taki, win: —¡Yang baha waitnika ba kaikras! Bamna baha sim pali piua kalila kum aiwanan.

Luk 22:34

Bamna Jisas bila: —Pita, yang mai wisna, man naiwa kau kalila wainhka aiwanras ba ra, aima yumhpa wima yang ai kaikras.