Matiu 26:63 - DAWAN BÎLA AISKA

⁶³ Sakuna Jisas sâp kan. Bara prîs nani wihtka ba mita win: —Gâd rayakira ba nina ra, swer taki mamkabi walisna man ba kasak ba kat aisama. Wan wis man ba Misaya, Gâd Luhpia sma sapa.

Matiu 26:63 ပူးပေါင်းရင်းမြစ်များ

1 King Nani 22:16

Bara king bui win: —¿Aima an kat taibi mai munrika, Dawan nina ra diara kasak ba ai wima ki?

2 Kronikas 18:15

Bara king bui win: —¿Aima an kat taibi mai munrika, Dawan nina ra diara kasak ba ai wima ki?

Lawana Nani 42:2

Dawan rayakira, rayaki na man ra luki diran daukisa. Dawan, ¿ahkia yang kli wih mamwanra bûi kamna?

Sins Lâka 29:24

Âimplikra wal tauki uplika lika, ai rayaka pali ra misbara kaikisa; kan lahtubanka bîla aisin ba walisa bara ai dahra sakras.

Aiseya 53:7

Saura pali rausauhkan, sakuna witin bawan lâka ra wan, bara ai bîla sin sakras kan; bara sîp baku ikaia pliska ra brih wan bara ai bîla prakan kan, ai bîla sin kwâkras kan sim sîp kum taya irbi ba baku.

Daniel 3:16

Wahma yumhpa ba pana win: —Naha dukiara diara aisaia âpu sa.

Libait Lâka 5:1

“Upla kum bui upla wala saura dauki kan kaikan, bara baha witniska ba aisaia lâ watla ra paiwan, sakuna witin baha dahra ba aisaras yukukbia kaka, saura daukisa. Uplika saura daukan saurka ba witin purara kabia.

Matiu 16:16

Saiman Pita bila: —Man ba Misaya, Gâd rayakira ba Luhpia.

Matiu 26:62

Bara prîs nani wihtka ba tit bûi, Jisas ra win: —¿Pana diara kumi sin aisaras sma ki? ¿Diara mampara aisi banhwi na dîa atia ki?

Matiu 27:12

Bara prîs wihta nani bara wihta almuk nani mita ai dahra saki kan ba ra, Jisas pana diara kumi sin aisaras kan.

Matiu 27:14

Sakuna Jisas pana witin ra diara wiras; bara wihta tara ba tâ iwan, bamna dîa lukaia sapa sin kaikras kan.

Matiu 27:40

naku aisan kan: —¡Man, tempel ba slingbi yu yumhpa ra kli paskisma ba, man wînam kat swaki taks! ¡Gâd Luhpia sma kaka, dus prihni ba wina bal iws!

Matiu 27:43

Witin lika Gâd ra kasak lukan: ¡bamna Gâd mita witin ra swaki sâkbia nanara, witin baku want sa kaka! ¿Witin wan win apia, witin ba Gâd Luhpia sa?

Matiu 27:54

Bara suldiar kiaptinka bara wala nani Jisas ra aihwaki kan ba kira, tasba nikban bara diara wala nani takan ba kaiki, sibrin tara daukan, bara naku win: —¡Kasak pali naha waitnika na Gâd Luhpia kan!

Matiu 4:3

Bara dibil balan Jisas traika kaikaia, bamna naku win: —Man ba Gâd Luhpia kaka, naha walpaya nani ra adar yas brit takbia.

Mark 14:61

Sakuna Jisas sâp kan, pana diara aisaras kan. Prîs wihtka kli witin ra naku makabi walan: —¿Man ba Misaya sma ki, Gâd yamni pali ba Luhpia?

Jan 1:34

Pat yang mita kaikri, bara baha witniska sin aimakisna: witin sika Gâd Luhpia ba.”

Jan 1:49

Bamna Natanael bila: —Smasmalkra, man ba Gâd Luhpia bara Israel Kingka sma.

Jan 10:24

bara Ju nani Jisas tnaya kir kutbi win: —¿Ahkia kat man wan kupia namhpa namhpa wan muni kama ki? Man ba Kraist kaka, param wan wis.

Jan 10:30

Yang na Aisa wal kumi pali sni.

Jan 10:36

Bamna Gâd mita bâk saki naha tasba ra ai blikan kaka, ¿nahki man nani wiaia sip sma, yang lika Gâd Luhpia sna wîri ba wal ai mapara saura aisari?

Jan 18:37

Bara Pailat pana win: —¿Baku bamna, man ba king kum sma ki? Jisas pana win: —Âu, yang na king sna, man aisaram ba baku. Yang aisubi taki, naha tasba ra balri diara kasak ba upla nani ra wiaia. Bamna baha nani sut kasakka lâka ra nani ba, yang dîa aisisna ba aman walisa.

Jan 19:7

Sakuna Ju nani pana win: —Yang nani lâ kum brisna, baha lâka ba kat witin na pruaia sa, kan witin na Gâd Luhpia sa win.

Jan 19:9

Bamna Pailat kli lâ tara watla ra dimi, Jisas ra makabi walan: —¿Man ba ani wina sma ki? Sakuna Jisas lika pana diara kumi sin aisaras kan.

Jan 20:31

Ban sakuna, naha nani na lika ulban sa, man nani kasak lukma Jisas ba Misaya Gâd Luhpia sa, bara naha kasak lukanka nâk raya ban kaia lâka bri kama.

Jan 6:69

Yang nani pat kasak lukri bara sin kaiki banhwisna, man ba Holikira, Gâd wina sma.

Jan 8:25

Bamna baha nani mita makabi walan: —¿Man ba ya sma ki? Jisas pana win: —Pas ba, ¿dîa kan yang bui man nani wal aisaia sna?

2 Korint 1:19

Kan Kraist Jisas Gâd Luhpia ba tânka yang, Silvano bara Timoti kira man nani tilamra smalki banhwisna ba, apia sika “âu” ba “apia” ba, sakuna Kraist sika “âu” ba Gâd wina;

1 Pita 2:23

Witin ra lahtubi kan ba ra, pana lahtuban kumi sin aisaras kata; pât nani yaban wahwi kan ba ra, pana witin mita saura munaia wiras kata, sakuna ai tânka nani ba Gâd mihta ra mangki kan, witinka kasakka lâka kat lâ dauki ba.

1 Samuil 14:24

Ban sakuna, Israel luhpia nani baha yua ba swapan pali kan, upla kumi sin plun piras kata, kan Saúl upla sut ra swer aisin ba mita, witin win: “Baha uplika ra naiwa lahtuban kabia witin pas plun pibia kaka, yang bui pas waihli nani ra pana muni pura luras sna kaka.”

1 Samuil 14:26

sakuna upla kumi sin dabi kaikras kan nasma laya lî laiwi baku kan ba, luki sibri kan ba mita.

1 Samuil 14:28

Bara Israel wina aiklaklabra kum ba mita witin ra win: —Aisikam swer taki, upla nani ra win upla kumi sin plun piaia apia, ya plun pibia ba lahtuban kabia. Baha mita upla nani ba swapan pali sa.