Matiu 26:56 - DAWAN BÎLA AISKA

⁵⁶ Sakuna naha na naku takisa, prapit nani Ulbanka ra win ba aimakaia dukiara. Bara disaipil nani sut Jisas ba yakan swi si, plapan.

Matiu 26:56 ပူးပေါင်းရင်းမြစ်များ

Blasi Sturka 3:15

Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

Aiseya 44:26

Sakuna yang duki dadaukra aisan ba, yabri daukisa bara bâk saki briri uplika ba lukanka nani ba pain baman takbia. Yang param sakisna, Jerusalem ba kli upla iwan kabia, bara Juda tawanka nani ra sin. Yang daukamni, kli bukan kabia slingwanka nani ba wina.

Inanka Nani 4:20

Silak watla kat kauhan sa Dawan bâk sakan uplika ba, wan rayaka ra wingka puhbra yabi kan ba, king baha pali dukiara aisi kan ba. ‘‘Ai distika ra tawan nani ba tilara iwi kabia.’’

Daniel 9:24

‘Wik nani 70 ba, man uplikam nani bara tawankam holikira ba purak luaia sa, watawika lâka bara saurka lâka wal ba tnata alkan kabia dukiara, saurka ban swin tikaia lâka ba alkaia, bara kasakka lâka ba ban kaia ra bapan kaia, baku mika diara aihka kaikan lâka bara dahra aisinka ba sut tnata alkan kabia dukiara.

Daniel 9:26

Wik 62 lubia ningkara, wan wihtka yamni muni mangkan matawalsip ba ikan kabia, Jerusalem bara Gâd watla ba sauhki tikan kabia, king kum balaia uplika nani bui pat pali piua tnata ba aimakbia, lisamra tara aula ba baku, sakuna war ba lika ban aiklabi kabia, sauhki tikaia lâka ba sin, ban tnata alkbia ba kat.

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Matiu 21:42

Bara Jisas witin nani ra win: —¿Man nani Ulbanka ra kau aisi kaikras ki? Naku ulban sa: ‘Walpa utla mâmakra nani mita lulki swin ba, baha pali sika raya wihtka takan ba. Naha na Dawan mita daukan sa, bara yang nani aihka tah iwi banhri sa.’

Matiu 26:24

Upla Luhpia Waitna ba, Ulbanka nani ra dîa ulban ba yabalka bâk waia sa, ¡sakuna waihla mihta ra mangki ba uplika ba mapara lika saura pali kabia! Kau aitani kaia kan baha uplika ba aisubi takras kan kaka.

Matiu 26:31

Bara Jisas witin nani ra win: —Man nani sut naha tihmia yang dukira aihka lukma; kan ulbanka ra wisa: ‘Sepad ba ikamna, bara sîpka nani ba aihka aihka yakaban kabia.’

Matiu 26:54

Sakuna baku kaka, ¿Ulbanka ra baku takaia wi ba nahki aimakbia ki?

Jan 16:32

Bamna awarka ba aula bara baha awarka ba lika nanara pali, man nani aihka aihka mai yakaban kabia, bamna yang na yakan ai swi banhbia. Sakuna yakan apia sna, kan Aisa ba yang wal sa.

Apastil Nani Sturka 1:16

“Muihki nani, piua ba baku aimakaia kan, piua luan Ulbanka nani ra aisi ba kat, nahki Spirit Holikira Debit bâk aisin ba Judas dukiara. Witin sika Jisas priski silak ra brih waia uplika nani tâ brin ba.

Apastil Nani Sturka 2:23

Blasi piua wina Gâd mita ai Luhpia ba ridi dauki dîa takaia kan ba pain kaiki si, man nani mihtam ra mangkan ba ra, witin ba silak ra mangkram, baha ningkara upla watawikira nani mihta ra mangki bri si dus prihni ra sabi ikram.

2 Timoti 4:16

Wihta nani mawanra yang pas pali daihra aisari ba ra, upla kumi sin hilp ai munras; sut ai swih plapan. Yang bui Gâd ra makabisna, baha ba witin nani mapara kulkan kabia apia.