Matiu 26:45 - DAWAN BÎLA AISKA

⁴⁵ Bara disaipil nani bâra kan ba kat bal, win: —¿Man nani kau ban yapi bara ris brisma ki? Upla Luhpia Waitna, upla saurakira nani mihta ra ai mangkaia awarka ba aimakan sa.

Matiu 26:45 ပူးပေါင်းရင်းမြစ်များ

1 King Nani 18:27

Ban sakuna yu wan lal kat piua ra, Ilayas mita baha nani lawaska kiki win: —Bîlam baikra kau karna wins, witin ba gâd kum sa bamna. Ban kra witin wark brisa, apia kaka twi ra iwaia wan, apia kaka yabal ra impaki taukisa. ¡Ban kra yapisa, bara munka buaia sa!

Smasmalkra 11:9

Liliam bri bas wahma bara tiara nani, man kau wahma sma ba ra, tiara sma ba ra; man sip sma ba ra diara pain ba lihki bas. Swis kupiam brinka mita mai bri wabia bara dîa sut kaikma ba wal, kuna kupiam krauki bas baha nani sut ba Gâd mita lâmka daukbia.

Matiu 26:18

Witin mita pana win: —Tawan ra was, waitna kum watla ra, bara naku wis: ‘Smasmalkra bila wisa: Awarki ba pat baila sa, bamna wamtla ra disaipilki nani aikuki Insal luan Yua Liliaka ba daukaisna.’

Matiu 26:2

Man nani kaikisma baku, yu wâl lubia ningkara, Insal luan Yua lilia kabia; bara Upla Luhpia Waitna, waihli nani mihta ra ai mangkbia dus prihni ra ai sabaia.

Matiu 26:44

Baha nani ba swi si, naha kira aima yumhpa ai pura sunaia wan, bara sim bîla nani aisin.

Matiu 26:46

Bus, kaisa mahka; waihli mihta ra ai mangki uplika ba pat wan lamara aula.

Mark 14:35

Jisas kau wiria laihura wih tasba ra bawi ai mawan tasba kat praki, Gâd ra ai pura sunan, sip kaka baha pât wahwaia latwanka ba, witin wina lubia.

Luk 22:53

Yang yu bani man nani wal tempel ra katna piua ra, wiria sin ai kangbras kapram; sakuna naha na man nani awarkam sika, tihmia mita pura lui ba.

Jan 12:23

Bamna, Jisas pana win: —Piua ba aimakan sa, Upla Luhpia Waitna prana daukan kaia.

Jan 12:27

“¡Bamna nanara, yang kupi ra uya wirha ni ai taiban sa! ¿Bara yang dîa aisamna ki? Wimni: ‘Aisa, ¿naha kupi wirha taibanka wina swaki ai sâks’? ¡Sakuna naha pali dukiara sika yang balri ba!

Jan 13:1

Insal luan yua Liliaka ba yauhka baku aimakaia kan, bara Jisas kaikan witin naha tasba na swi si, ai Aisa ra waia awarka ba aimakan kan. Witin ai uplika nani naha tasba ra kan ba sut ra ban latwan kaikan, bamna nanara ai latwanka lâka kau tara pali takan ba sin mariki kan.

Jan 17:1

Jisas naha diara nani aisin ba ningkara, witin kasbrika pura ba tani ra tawi kaiki, naku aisin: “Aisa, awarka ba pat aimakan sa. Bamna Luhpiam ra mayunra yas, bara baku mika witin mita sin mayunra maikbia.