Matiu 25:6 - DAWAN BÎLA AISKA

⁶ Tihmia wâl bakriki baku kan, bîla baikra kum naku walata: ‘¡Waitnika marit taki ba pat aula; taki bal, wal prawaia!’

Matiu 25:6 ပူးပေါင်းရင်းမြစ်များ

Lawana Nani 96:13

Dawan mawanra, witin aula ba! ¡Âu, witin aula tasba wihtka aimakaia bara tasba aiska uplika nani wihta aimakaia kasakka lâka bara kasak tânka ba wal!

Lawana Nani 98:9

Dawan mawanra, witin tasba na wihtka aimakaia aula. Tasba aiska na wihtka aimakbia kasakka lâka bara sibrin luha ba wal.

Aiseya 25:9

Bara baha yua ra witin nani wibia: “Kaiks, naha sika yawan wan Gâdka, yawan lika witin ai bîla kaiki kan, nanara witin swaki wan sakan, yawan lilia kap witin swaki wan saki ba mita, yawan lilia daukpi.”

Emus 4:12

“Bahamna Israel, man nani wals: baha nani ra klala yabri ba baku, yang, man nani wal sin daukaisna. ¡Bamna man nani ridi taks, Gâdkam aula ba wal prawaia!”

Matiu 24:31

Bara ai insalka nani blîkbia trumpit binka tara ni ai uplika bâk sakan nani ba pâsa mapa walhwal ba wina asla daukaia, tasba tâ kum wina tâ wala kat.

Matiu 24:44

Baha mita, man nani sin ridi kaia sma; kan bîla kaikras kaprika Upla Luhpia Waitna ba balbia.

Matiu 25:1

“Baha yua ra, Gâd king aimaki lâka ba lika tiara matawalsip na wal baku kabia, witinka nani ai lampka laya nani brih wan, waitna marit takuya ba yula kahbaia dukiara.

Matiu 25:31

“Witinka Upla Luhpia Waitna ba Gâd insalka sut kira king baku balbia ba ra, ai king iwaika ingnikira ra iwbia.

Matiu 25:5

Marit taki waitnika ba pat balras kan bamna, sut yapan daukan, bara sut mahka yapan.

Matiu 25:7

Baha tiara nani ba sut mahka bûi, ai lampka nani ridi daukan.

Luk 12:20

Sakuna Gâd mita win: ‘Waitna sinskas, naha sim tihmika pruma; ¿bara diara suni swiram ba ya dukia kabia ki?’

Luk 12:46

alba dawanka ba balbia bîla kaikras ba piua ra, bara ai dahra walras kabia awarka ra sin; bamna pât tara pali witinka ra yabia, bara lukras kira nani wal baku pât ra lulkan kabia.

1 Tesalonaika 4:16

Kan Dawan pali ba sika bîla baikra karnakira ba wal kasbrika pura ba wina bal iwbia arkinsal bîla baikra wal bara Gâd trumpitka wal sin. Bâra mika, Kraist ra kasak luki pruan nani ba, pas tâura bubia;

2 Pita 3:10

Sakuna Dawan yua lika balbia, bîla kaikras ba piua ra, sim âimplikra tihmia ra aula ba baku. Bamna bin tara ni kasbrika purara nani sut âpu daukan kabia, bara dîa dîa bilara ba pauta mita âpu daukbia, bara tasba na sin dîa dîa bilara ba sut aikuki, Gâd lâ tara daukbia ba ra kahban kabia.

Param Marikanka 16:15

“Man nani kaiks, yang na bîli kaikras kan aulni, âimplikra baku. Yamni pali sa, ya aihwaki bara ai kwalka sin ban bri ba, witin ba kwala âpu takbiara sîa, bara upla sut mawanra sin ai swira takbiara sîa.”