Matiu 25:40 - DAWAN BÎLA AISKA

⁴⁰ Bara King ba wibia: ‘Kasak pali man nani ra mai wisni, dîa dîa naha muihki bawikira nani ra diara kumi dukiara daukram ba, yang pali ra sika man nani ai daukram ba.’

Matiu 25:40 ပူးပေါင်းရင်းမြစ်များ

2 Samuil 9:1

Yu kumi Debit makabi walan: “¿Saúl taika kum kau pruras raya bâra sa ki, bara yang bui Janatan ra luki witin ra yamni munaia?”

2 Samuil 9:7

Debit bui witin ra win: —Si bripara, yang bui man ra yamni mai munaisna, papikam Janatan ra luki. Daukaia sna ba damikam Saúl tasbaya nani kan ba sut kli laki maikaia, bara man lika yang tibilki ra ban kaia ra plun pi kaia.

2 King Nani 4:10

Yang mamkabisna witin dukiara yapaia pliska kum daukma, bara bahara krikri, iwaika, plun piaika nani sin paski swiaia, bara lamp sin kum bâra swiaia, bara ani yua ra witin yawan ra aula ba ra takaskaia sip kabia.

Sins Lâka 14:31

Upla umpira ra taibi ba, Papaskrika ba mina batakisa; sakuna baha uplika ra kulkanka yabi ba lika, Papaskrika ba mayunisa.

Sins Lâka 19:17

Diara luha uplika ra diara lin muni ba, witin Dawan ra lin munisa; bara Dawan wina witin ra ai mana ba kli aibapbia.

Jirimaya 39:17

Sakuna yang kainam kahbamna, bara baha uplika nani sîa mai dauki ba mihta ra aimakma apia. Yang, Dawan, kasak aisisna.

Matiu 10:40

“Ya ya man nani ra pain mai bri ba, yang ra ai brisa; ya yang ra ai bri ba, witinka ai blikan ba ra brisa.

Matiu 10:42

Bara ya ya baha sirpika nani kum ra, nini bliki ba dukiara lî kauhla kâp kum pan yabia kaka, ai prisantka briaia kabia.”

Matiu 18:10

“Aman kaiks; man nani naha sirpika nani kumi ra sin bahki kulkpara. Kan yang bui man nani ra mai wisna, ai insalka nani Aisiki kasbrika purara ba ra piu bani ra lamara sa.

Matiu 25:34

Bara King ba ai aihkika ra nani ba ra wibia: ‘Bal, man nani, Aisiki mita yamni mai munan nani sma ba; king tasbaya na man nani dukiam wisi Gâd tasba paskan wina ridi dauki ban bri ba, bri banhs.

Matiu 25:39

¿Ahkia siknis kapram, silak ra kapram, bara yang nani wih mai kaikri?’

Matiu 25:45

Bara King ba mita pana wibia: ‘Kasak pali man nani ra mai wisna, dîa dîa naha uplika nani bawikira kumi ra daukras kapram kaka, yang dukiara sika man nani daukras.’

Matiu 28:10

Jisas mita mairka nani ra win: —Man nani si bripara. Muihki nani ra wih maisa paks Galili ra wabia, bara bahara ai kaikbia.

Mark 9:41

Ya ya yang nini ra luki, man nani Kraist dukia sma wisi, lî kâp kum pan maikbia kaka, kasak pali witin ai prisantka bribia.

Luk 19:38

Naku aisi banhwi kan: —¡Yamni kabia Dawan nina ra aula kingka ba! ¡Kasbrika purara kupia kumi lâka bara prana ba laih purara sa!

Jan 20:17

Jisas win: —Ai alkpara, kan yang Aisa bâra ba pliska ra kau uli wih asla takras sni. Sakuna muihki nani ra wih wis, uli auna Aisiki ra bara man nani Aisikam ra, yang Gâdki ra bara man nani Gâdkam ra.

Roman 8:29

Patitara piua Gâd mita upla nani paiwan ba, baha uplika nani ba paiwan ai Luhpia baku kaia, baku mika Gâd Luhpia ba ai muihni ailal ba tilara tawahkia kaia.

2 Korint 4:5

Yang nani aisi smalkisna ba, wîni tânka lika smalkras, sakuna aisi smalkisna Jisas Kraist ba Dawan sa; yang nani lika man nani dukiam dadaukra nani sna, Jisas latwanka lâka ra.

Galesha 5:13

Man nani, muihki nani, mai paiwan sa pri lâka bri kaia. Kuna naha pri lâka brisma wisi, wînam brinka nani nina blîkpara. Sakuna, pana pana dukia dadaukra nani bas, latwan lâka aikuki brisma ba tânka kat.

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

Epesus 5:30

kan serts ba witin ai wîna tara sa, bara yawan lika sim baha wîna sirpika nani sa, ai wîna tara bara ai dusa nani wina wan paskan.

Hibru Nani 6:10

Gâd lika kasakkira sa. Man nani wark daukram ba witin ai âuya tiwbia apia; kasak lukan lâka mapara muihkam nani ba ra hilp muni, witin ra latwan lâka marikram ba sin ai âuya tikras sa, bara baha dukia ba ban daukisma.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.

1 Jan 4:20

Upla kum wibia kaka: “Yang lika Gâd ra latwan kaikisni”, kuna ai muihni ra misbara kaikisa kaka, witin lika kuninkira pali sa. Kan ani uplika ai muihni ra ai nakra ni kaiki kuna sip latwan kaikras ba, witin sip Gâd ra latwan kaikbia apia, witinka ra ai nakra ni kaikras ba.

Param Marikanka 17:14

Witin nani Sîp Luhpia ba mapara aiklabi kabia, sakuna Sîp Luhpia ba witin nani pura lubia; kan witin ba Dawan nani dawanka sa, King nani kingka sin, bara witin wal nani ba lika, Gâd mita paiwan sa bara wahbi sakan sa, bara kasak sin banhwisa.”

Param Marikanka 19:16

Ai kwalka ra bara ai kuhma purara naha nina ulban kan: “King nani Kingka bara dawan nani Dawanka.”