Matiu 25:35 - DAWAN BÎLA AISKA

³⁵ Kan plun ai dauki kan, man nani plun aikram; din ai dauki kan, man nani lî aikram; tringsar baku tauki kapri, man nani wamtla ra dingki ai briram.

Matiu 25:35 ပူးပေါင်းရင်းမြစ်များ

1 King Nani 17:11

Bri sal yabaia auya kan ba ra, Ilayas kli winan bara witin ra win: —Pliskam pali, brit sin wirâ lupia pan sal aik.

Job 31:32

yang ban swiri tihmia yabal ra lalawras kata, piua bani ra waitla durka ba impapakra nani mapa ra param swiri sa.

Sins Lâka 14:21

Ya ai walka ra bahki kulki uplika lika, saura kum daukisa, sakuna upla umpira nani ra yamni muni ba âuyapah kira sa.

Sins Lâka 14:31

Upla umpira ra taibi ba, Papaskrika ba mina batakisa; sakuna baha uplika ra kulkanka yabi ba lika, Papaskrika ba mayunisa.

Sins Lâka 19:17

Diara luha uplika ra diara lin muni ba, witin Dawan ra lin munisa; bara Dawan wina witin ra ai mana ba kli aibapbia.

Sins Lâka 22:9

Upla wala ra yamni kaiki uplika ba, yamni pali munan kabia, witin ai pata ba wina umpira nani ra yabi bamna.

Sins Lâka 25:21

Man waihlam plun wahwi kaka, witin ra plun dakaks, bara diran dauki kaka, lî diaia yas;

Isikiel 18:16

upla wala ra taiban lâka daukras kabia; diara witin wina lin taki ba mana aibapaia taibi munras kabia; upla kum ra sin implikras, plun dauki nani ra plun bri ba yabi kabia, kwala luha nani sin kwala yabi kabia;

Isikiel 18:7

upla ra taiban lâka munras, ya wina dîa brin ba kli yabisa; upla kumi ra sin implikras; ai britka ba yui brisa ai walka wal, bara ai kwalka ba kwala luha nani ra yabisa;

Daniel 4:27

Baku bamna, king dîa mai wisna ba kat dauks, diara sut wapni kat dauks bara sin kli saura daukpara, saurkam nani ba mahka swis, bara umpira nani ra hilp muns, ban kra baku lika sip kama king ban kaia kupia kumi lâka ra pâwi kaia.’ ”

Miqueas 6:8

Dawan bui man ra pat mai win, dîa ba yamni daukaia tânka bara dîa man wina bîla kaiki ba. Bamna naha pali sika, man daukaia witin mamkabi yaba: kasakka lâka daukma, kupia pihni lâka ba, latwan kaikma, bara Gâdkam mawanra bawikira kaia sma.

Matiu 25:40

Bara King ba wibia: ‘Kasak pali man nani ra mai wisni, dîa dîa naha muihki bawikira nani ra diara kumi dukiara daukram ba, yang pali ra sika man nani ai daukram ba.’

Matiu 26:11

Upla umpira nani ba man nani aikuki ban bri kama, sakuna yang lika tilamra ban ai bri kama apia.

Mark 14:7

Umpira nani ba piua bani tilamra ban bri kama, bara ani ani yua ra yamni munaia lukma ba, sip kama daukaia; sakuna yang lika ban tilamra ai bri kama apia.

Luk 11:41

Sakuna man nani mita umpira nani ra diara yabi bas bîla tani ra bâra ba wina, bara baku mika diara sut klin daukan kabia.

Jan 13:29

Judas ra yan lalah watla ba bri kan bamna, disaipil tila nani lukan Jisas win baha piua liliaka tara ba dukiara, diara nani ba wans atkbia, apia kaka umpira nani ra hilp munbia.

Apastil Nani Sturka 10:31

Bara naku ai win: ‘Cornelio, Gâd lika man puram sunra ba walan, bara ai kupia sin krawan man mita upla umpira nani ra hilp munisma ba.

Apastil Nani Sturka 11:29

Bara lalukra nani Antíoco ra iwi ba sut wilin takan hilp kum blikaia, Judia ra wan muihni iwi banhwi ba nani ra, kumi bani sip kan ba kat.

Apastil Nani Sturka 16:15

Witin lika ai watla uplika nani sut ba wal tahbi daukan. Ningkara yang nani ra makaban: —Yang na kasak Dawan ra tawri lukisma kaka, man nani bal waitla ra dimi takasks. Bamna witin taibi ai munan takaskaia.

Apastil Nani Sturka 4:32

Lalukra daknika aiska ba lika ai kupia lukanka kumi baman brin kata, bamna upla kumi sin wiras kata dîa bri kan ba witin yakan ai dukia sa, sakuna diara nani sut ba witin nani sut ai dukia baku kulkan.

Roman 12:13

Gâd uplika nani dîa luha ba hilp munma; upla bal mai kaiki nani ba pain bris.

Roman 12:20

Bara naku sin wisa: “Man waihlam plun dauki kaka, plun yas pibia, bara lî din dauki kaka, lî yas dibia; kan man naha daukisma ba mita, witin ai swira bara sari sin lukbia.”

Roman 16:23

Gayo sin ai lakula blikisa, witinka mita ai watla ra dingki ai brisa, bara serts uplika wala nani ra sim baku daukisa. Erasto, witinka naha tawanka lalahka main kaiki ba mita sin ai lakula blikisa, wan muihni Cuarto mita sin.

Epesus 4:28

Ya impliki kan ba, kli implikaia apia, sakuna wark takaia sa, bara ai mihta ni wark kum pain dauki ba mita witin sip kabia diara bri ba ni ai uplika nani ra hilp munaia.

1 Timoti 5:10

Witin nani diara yamni nani daukan ba mita, upla nani bui kakaira kaia sa: ai luhpia nani pain pakan kaka, ai watla ra upla nani wan ba aikuki pain kan kaka, kristian nani mina nani sikban kaka, trabil bri nani ra hilp munan sa, apia kaka wark yamni wala nani daukan sa kaka sin.

Pilimon 1:7

Bamna man latwankam lâka ba mita, uya lilia bara karnakira ai daukram, bara man tânkam mita, muihki laitwankira, kristian ailal maisa nihkram sa.

Hibru Nani 13:16

Diara yamni daukaia bara dîa dîa bri nani bani upla wala nani ra hilp munaia ba, man nani âmya tiwbiara; kan nahmuna sakripaiska nani sika Gâd yamnika kaiki ba.

Hibru Nani 6:10

Gâd lika kasakkira sa. Man nani wark daukram ba witin ai âuya tiwbia apia; kasak lukan lâka mapara muihkam nani ba ra hilp muni, witin ra latwan lâka marikram ba sin ai âuya tikras sa, bara baha dukia ba ban daukisma.

Jems 1:27

Gâd Aisa mapa ra kristian lâka klin bara tâski âpu ba naha sika: Tuktan rau nani bara piarka nani ra hilp munaia, bara naha tasbaya dukia saura nani wal tâski takaia apia.