Matiu 25:14 - DAWAN BÎLA AISKA

¹⁴ “Gâd king aimaki lâka sin waitna kum baku sa, witinka ba kuntri wala ra mahka impakaia kan, bara ai albika nani paiwi, ai dukia nani ba witin nani mihta ra mangkan.

Matiu 25:14 ပူးပေါင်းရင်းမြစ်များ

Matiu 21:33

“Man nani maprika lilka wala na wals: Insla dawanka kum ai nasla ra wain dusa mâ nani mangkan; bara klar kum kutban, wain laya taibi sakaia untika kum salhkan, bara tawer sin kum paskan diara ba sut aihwakaia dukiara. Ningkara, nasla ba wark tatakra nani mihta ra mangki si, witin plis ra impakan.

Mark 13:34

Sim waitna kum laihura impaki ba baku sa, bamna ai watla kau swiras ba ra, ai albika nani ra warkka yabisa, bara dur aihwakbia wisa.

Luk 20:9

Ningkara, Jisas bui upla nani ra naha maprika lilka sturka na win: “Waitna kum bâra kan, witin ai nasla ra wain mâ mangki si, ai warkka uplika nani mihta ra swi si, plis laihura impaki wan, bahara sin piu wihka takaskan.

1 Korint 12:4

Upla kum sip sa prisantka sât sât ba briaia, ban sakuna sut yabi ba lika sim Spiritka.

1 Korint 3:5

Bamna, ¿Pal ba ya?, ¿bara Apolos ba ya? Yang nani lika Gâd dukia dadaukra nani baman sna, bara yang nani mita sika Dawan ra kasak luki banhram ba. Yang nani kumi bani lika Dawan wark aikan ba kat daukisna:

Epesus 4:11

Bara upla nani ra prisant nani yan, tila nani apastil nani kaia, wala nani ra lika Gâd dahra aisaia, bara wala nani ra swaki sakan lâka sturka ba smalkaia, wala nani ra lika sepad nani bara smasmalkra nani kaia.