Matiu 24:9 - DAWAN BÎLA AISKA

⁹ “Bara upla nani mita mai alki rau mai sauhkaia mai mangkbia, bara mai ikbia, bara upla sut mita yang tâiwan misbara mai kaikbia.

Matiu 24:9 ပူးပေါင်းရင်းမြစ်များ

Sins Lâka 29:27

Upla kasakkira nani nakra ra waitna watawikira ba saura pali sa, bara upla watawikira nakra ra yabal ra wapni tataukra ba saura pali sa.

Daniel 11:33

Upla sinskira nani tawan ra ba bui upla ailal ra smalkbia, sakuna piua wiria ningkara baha nani sut ra ikbia, bara pauta ra angkbia, diara nani bri ba sut sin implikbia, tasba kakaira apia nani ra yaka alba nani takbia. Baha ba baku kabia piua kumi ra.

Matiu 22:6

wala nani ba lika king albika nani ba alki rausauhki, ikan.

Matiu 23:34

Baha mita, yang bui man nani ra prapit nani, sinskira nani bara smasmalkra nani sin mai blikamna. Sakuna man nani mita witin nani tila wina tila nani ba ikma, dus prihni ra sama, wala nani ra lika prias watla nani bilara prukma, bara tawan kum wina tawan wala ra nina bliki rausauhkma.

Luk 11:49

“Baha mita, Gâd ai sinska lâka tara ba wal naku wisata: ‘Yang bui witin nani ra prapit nani bara apastil nani sin blikamna, sakuna baha nani wina tila kum kum ba ikbia, bara wala nani ra lika bliki rausauhkbia.’

Luk 21:12

“Sakuna naha diara nani sut kainara, man nani ra mai alkbia, bara ninam bliki rau mai sauhkbia. Lâmka daukaia prias watla nani ra mai brih wabia, yang nini ba tâwan silak watla ra mai mangkbia; king nani mawanra, wihta tara nani mawanra sin mai brih wabia.

Jan 15:18

“Tasba uplika nani mita man nani ra misbara mai kaikisa kaka, kupiam krauki bas yang ra sika pas misbara ai kaikan ba.

Jan 15:21

Naha diara sut yang tâiwan man nani ra mai munan kabia, kan naha tasba wina uplika nani mita, witinka yang ai blikan ba kakaira apia sa.

Jan 16:2

Ju nani priaska watla nani wina mai kangbi mai sâkbia, bara ban sin piua kum balbia ani uplika mita mai ikbia ba, witin lukbia baha ni Gâd warkka daukisa.

Apastil Nani Sturka 28:22

Sakuna yang nani lika man wina wirâ walaia want sna, man lukankam tânka ba dîa sapa, kan yang nani sin kaikisna plis ailal ra mampara aisisa, baha lâka raya man brisma ba dukiara.

Apastil Nani Sturka 7:59

Witin nani mita walpa ni sabi kan ba ra, Stiben ai pura suni, win: “Dawan Jisas, yang spiritki na man mihtam ra bris.”

1 Pita 4:16

Sakuna, upla kum kristian ba tâwan pât wahwisa kaka, ai swira lukaia apia sa, kuna Gâd ra mayunbia naha nina bri ba.

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.

Param Marikanka 2:13

Yang kaikisna, man ba Sitan king aimaki pliska ra iwisma, sakuna man lika yang tâiwan kasak pali ban sma. Antipas mita, yang witniski kasakkira ba, man nani tilamra Sitan iwi pliska ra ikan piua ra, man lika yang ra ban kasak luki kapram.

Param Marikanka 7:14

Yang bui wîri: “Dawan, man baman kaikisma; yang lika kaikras.” Bara witin ai wisata: “Naha nani sika trabil tara bâk lui aula ba, bara ai kwalka nani tuskan ba Sîp Luhpia ba tâlia ra pihni daukan sa.