Matiu 24:42 - DAWAN BÎLA AISKA

⁴² “Man nani aihwaki bas, Dawan dîa awarka ra balbia ba kaikras sma bamna.

Matiu 24:42 ပူးပေါင်းရင်းမြစ်များ

Matiu 24:36

“Sakuna yua ba bara awarka ba lika upla kumi sin kaikras, kasbrika purara insal nani ba bara Gâd Luhpia pali sin kaikras. Gâd Aisa baman baha kaikisa.

Matiu 24:43

Sakuna naha na kupiam krauki bas: Utla kum dawanka ba âimplikra dîa awarka ra balaia ba kaiki kaka, witin yapras aihwaki kabia, bara swika ai watla ba kriki dimi ai dukia implikbia apia.

Matiu 24:44

Baha mita, man nani sin ridi kaia sma; kan bîla kaikras kaprika Upla Luhpia Waitna ba balbia.

Matiu 25:10

Sakuna tiara sinskas matsip ba lamp laya atkaia auya kan ba ra, waitnika ba balan. Tiara nani ridi kan ba witin wal marit pata ra wih diman, bara dur ba prakan.

Matiu 25:13

Bara kau pura praki Jisas witin nani ra win: —Man nani aihwaki bas, yang balaia yua, bara awarka ba sin kaikras sma bamna.

Luk 21:34

“Bamna aman kaiki bas, tasba brinka nani ba mita, bla lâka nani mita bara naha tasba trabilka nani mita sin yarka kupiam nani ba karna takbiara, baha piua kra damra walras kaprika mai alkbiara sîa.

Luk 21:36

Bamna man nani ridi bas, bara piu bani sin puram suni bas, bara baku mika sip kama naha diara nani takaia ba wina swakwaia, ban sin Upla Luhpia Waitna maiwanra kaia.”

Roman 13:11

Naha sut tilara, yawan wan piua iwi na tânka luki bas, bamna kaiki bas yapan wina buaia piua ra sa. Kan blasi kata ba wal nanara lika swaki wan sakan lâka ba kau wan lamara pali sa, yawan nan Dawan bîla smalkan wali kasak lukan ba wal.

1 Korint 16:13

Man nani aihwaki bas, bara kasak lukan lâka ra bapi bûi banhwi bas. Waitna bas. Karnakira nani bas.

1 Tesalonaika 5:6

Baku bamna, yawan na wala nani ba baku yapaia apia sa; yawan lika raya kaia sa bara wan dara sin pain wali kaia sa.

1 Pita 4:7

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.

1 Pita 5:8

Tânkira watauki bara aihwaki bas; kan waihlam dibil ba ya ya piaia wisi, layan ihbi baku pliki taukisa.

Param Marikanka 16:15

“Man nani kaiks, yang na bîli kaikras kan aulni, âimplikra baku. Yamni pali sa, ya aihwaki bara ai kwalka sin ban bri ba, witin ba kwala âpu takbiara sîa, bara upla sut mawanra sin ai swira takbiara sîa.”