Matiu 23:9 - DAWAN BÎLA AISKA

⁹ Man nani upla kumi ra sin naha tasba ra aisa wipara, kan man nani Aisa kumi baman brisma, witinka kasbrika purara sa.

Matiu 23:9 ပူးပေါင်းရင်းမြစ်များ

2 King Nani 13:14

Bara Ilaidsa ba pruaia sikniska alkan kan, bara Joás, Israel kingka ba, witin ra balan kaikaia, bara witin ai mawanra ini kiaubi alkan bara win: —¡Yang aisiki, yang aisiki, Israel hilpka ra aiklaklabra karnakira kum katma ba!

2 King Nani 2:12

Naha kaikan ba ra, Ilaidsa winan: “¡Aisiki, aisiki, Israel mapa ra war daknika karnikira kum baku katma!” Baha ningkara witin kli Ilayas kaikras kan. Bara Ilaidsa ai prâka ba brin, bara pîs wâl kalkan.

2 King Nani 6:21

Bara Israel kingka ba kaikan, ningkara Ilaidsa makabi walan: —¿Uplika nani ba ikamna ki, aisiki, ikamna ki?

Malaquía 1:6

Karnika sut bri Dawanka ba, prîs nani ra naku aisisa: “Luhpia nani ba ai aisika ra kulkanka tara yabisa, bara alba nani ba sin ai dawanka ra yamni kulkisa. Bamna yang na man nani Aisikam sna kaka, ¿dîa muni tara ai kulkras sma? Man nani albiki, yang na Dawankam sna kaka, ¿dîa kan yamni ai kulkras sma? Man nani bahki ai kulkisma, sakuna ban aisisma: ‘¿Yang nani dîa dauki bahki mai kulkisna ki?’

Matiu 23:10

Tâ uplika nani sin mai mâki banhbiara, kan Misaya ba baman sika tâm uplika ba sa.

Matiu 6:32

Gâd kakaira apia nani ba baha diara nani ba dukiara trabil taki lukisa, sakuna man nani kum kasbrika purara brisma, bara witin kaikisa man nani naha dukia nani sut âpu sma ba.

Matiu 7:11

Kan man nani ba saurakira sma sakuna luhpiam nani ra diara yamni nani yabaia ba kaikisma, ¡kau pali kasbrika purara ba diara yamni nani yabia, ya ya witin ra makabia ba ra!

Apastil Nani Sturka 22:1

“Muihni nani bara aisa nani sin, yang tâinka param aisaisna bamna, man nani pliskam pain wals.”

1 Korint 4:15

Bamna man nani ba, Kraist tânka mai smalkaia smasmalkra 10,000 bri kama sakuna, aisikam ailal lika âpu sma. Kraist Jisas ra kasak lukan lâka brisma ba mapa ra, yang sika man nani aisikam, swaki sakan sturka yamni maikri ba mita.

2 Korint 6:18

bara yang baman man nani Aisikam kamna, bara man nani ba luhpi waitna nani bara luhpi mairin nani kama, Dawan, karnika sut bri ba, baku wisa.”

Hibru Nani 12:9

Baha purkara, yawan tuktan nani kan ba ra, wan aisika nani mita wapni wan mangki kan, bara yawan bui witin nani ra ban kulkanka yabi kan. Ban kaka, wan Aisika kasbrika purara ba ra bawaia yawan kau lâ brisa, bara baku mika raya banhwi kaia.

1 Jan 3:1

Kaiks man nani, nahki Aisa Gâd latwan tara wan kaiki ba, bamna yawan na Gâd luhpia nani wan kulkan sa, bara kasak pali yawan lika witin ai uplika nani sa. Baha mita tasba uplika nani bui wan kakaira apia sa, kan witin nani lika Gâd ra kakaira apia ba mita.