Matiu 23:37 - DAWAN BÎLA AISKA

³⁷ “¡Jerusalem, Jerusalem, man sika prapit nani ba ikisma, bara Gâd bîla twatwilkra mai bliki nani ra walpa ni sabisma ba! ¡Aima ailal luhpiam nani asla dauki brin ai daukan, sim kalila ai luhpia nani ai tnawa munhtara asla dauki ba baku, sakuna man apia wiram!

Matiu 23:37 ပူးပေါင်းရင်းမြစ်များ

Nihimaya 9:26

“Sakuna witin nani man bîlam wali daukras kan, mampara buan, bara man lâmka ba bahki kulkan. Baha purkara, prapitkam nani ba witin nani mita ikan, kan baha nani witin nani ai mapara param aisi kan, bara win ai kupia lakbia, baha tâwan minam prukanka tara dauki kan.

Lawana Nani 17:8

Namkra yula baku main ai kaiki ai bris; tnamwa nani distika ra ai yukuks,

Lawana Nani 36:7

¡Dawan, man lamtwanka lâka ba aihka painkira sa! ¡Tnamwa distika munhtara upla nani ai yukuwaika plikisa!

Lawana Nani 57:1

Gâdki, kupiam swapni ai kaiks, swapni ai kaiks; yang lika man ra yukuwaiki plikisna, tnamwa mununhtara dimi yukuwamna pât ba lubia kat.

Lawana Nani 63:7

kan man sika yang hilpki sma ba. ¡Man tnamya distika ra, yang âuyapah kamni!

Lawana Nani 91:4

witin ai tnawa mununhtara mai yukukbia, baha tnawa mununhtara pât luha kama. ¡Ai kasakka lâka ni, man kainam kahbi kabia!

Aiseya 5:4

¿Yang wainki nasla ra diara kum daukaia bâra kan? ¿Kau diara kum yang daukras swiri sa ki? Yang bîla kaiki kapri, wain mâ damni nani aikbia, ¿sakuna dîa muni, mâ swahni nani sakan ba?

Aiseya 50:2

Yang balri piua, ¿dîa muni upla kumi sin âpu kan ba? ¿Yang bal winri bara dîa muni upla kum sin uni kahbras kan ba? ¿Dîa witin nani lukan yang na sip apia sna witin nani pât ra ba wina pri sakaia? ¿Dîa witin nani lukan yang na witin nani ra pri sakaia sip apia sna? Aitani sa yang aisinki kumi ni, kabu ba lâwaia bara awala nani ba tasba lâwan takaia; bara inska nani ba diran bla pruaia bara lî âpu ba mita sukwaia.

Jirimaya 2:30

Bahki baman luhpiam nani ra klala yabri, smalkanka ba witin nani lan takaia brin daukras. Man nani klauna layan kras baku, prapitkam nani ba ikram.

Jirimaya 26:23

bara witin Idsip tawanka Urías ba alki bri sal king Joaquim ra yan, baha kingka ba sika win Urías ba iki tasba salhki wîna ba biki swibia win.

Jirimaya 32:31

Naha tawanka paskaia buan ba yua wina naiwa yua kat, witin nani diara dauki ba yang kupi sauhkaia, bara yang lawaia dukia baman daukisa. Baha mita witin nani ba âpu daukaisna,

Jirimaya 35:15

Yang bui man nani ra prapit kumi blikri, kli wala blikri, albiki prapit nani sut blikri mai wiaia: Man nani natkam saura nani ba daukankam saura nani ba swiaia. Man nani lika gâd wala nani ninara waia apia, baha nani ra sin mayunaia apia, bara baku man nani damikam nani ra baha tasbaya maikri bâra iwi kaia sip kama. Sakuna man nani bui yang ra walras, bîli wali sin daukras.

Jirimaya 36:26

sakuna witin tawi king kiamka luhpia kum Jerahmeel ra adar yan, Seraías ra sin, Azriel luhpia waitna ba, wala Selemías Abdeel luhpia waitna ba ra sin adar yan, prapit Jirimaya ba, wauhkataya âiulbra Baruc sin silak ra mangkaia. Sakuna witin nani ba Dawan mita yukukan.

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Jirimaya 44:4

Prapitki duki dadaukra nani ba pat pat blikri man nani ra mai wiaia, baha diara saura misbara kaikisna ba man nani daukaia apia.

Jirimaya 6:8

Jerusalem, man mita wapnika dauks, apia kaka yang kupi sauhki man wina tnaya ra tawamna, upla iwras tasbaya ra mai lakamna, upla âpu bîla man mai swimni.”

Oseas 11:2

Sakuna yang bui witin ra kau ban wini kapri ba ra, witin ba yang wina kau laihura wan. Yang upliki nani ba gâd bahki nani ra sakripais dauki yabi kan, aidul nani ra dus taya kîa yamni angki yaban.

Oseas 11:7

Upliki nani yang wina tnaya ra tawan ba baku, ban kaia lukisa; purara ba ra karna wini kabia, sakuna upla kumi sin witin nani ra hilp yabia apia.

Oseas 7:13

“¡Witin nani sari pali takbia, yang laima wina taki wan bamna! Sauhki tikanka witin nani ra alkbia, kan witin nani ba yang maipara buan bamna. Yang bui witin nani swaki sakan ai daukisa, sakuna witin nani, yang maipara kunin aisisa,

Sakaraya 1:4

Damikam nani daukan baku daukpara, prapit nani kaina piua ra kan nani ba bui yang bîli witin nani ra smalkan, ai natka saura, ai daukanka saura nani ba mahka swiaia, sakuna witin nani lika yang bîli walan daukras kan, bara baku sin tawi ai kaikras kan. Yang, Dawan, kasak aisisna.

Matiu 22:3

Ai albika nani blikan, paiwan uplika nani ba marit pata ra balbia wiaia, sakuna witin nani balaia apia win.

Matiu 22:6

wala nani ba lika king albika nani ba alki rausauhki, ikan.

Matiu 23:30

bara baha ningkara wisma: ‘Yawan na wan damika nani piua ra iwi kan kaka, prapit nani ikaia dukiara witin nani ra hilp munaia apia kan.’

Matiu 23:31

Baha mita, nanara pain kaikisma man nani ba prapit ikan nani ra ikan nani kiamka sma.

Matiu 5:12

Liliam pali bas, man nani âmyapah sin bas, kan kasbrika purara mamna tara kum bâra sa bamna, kan baku sin upla saura nani mita prapit nani ra rausauhkan baha nani kainamra bâra kan nani ba ra.

Luk 15:28

Sakuna muihnika almuk ba ai kupia baikan, dimaia sin apia win; bara aisika bal, makaban utla ra dimaia.

1 Tesalonaika 2:15

Naha Ju nani sika Dawan Jisas ba ikan, patitara ai prapitka nani ra ikan ba baku; bara yang nani ra sin kangbi ai sakan. Witin nani ba dîa Gâd want ba kat daukras bara upla sut mapara bûi banhwisa.

Param Marikanka 17:6

Bara kaikri mairka ba, Gâd uplika nani tâlia bara Jisas witniska taki kan tâwan ikan nani ba tâlia dih, witin bla takan. Yang baha kaikri ba ra, aihka pali tâ iwri.

Rut 2:12

¡Gâd bui mamna maikbia! Israel Dawan Gâdka mita diara aiska maikbia, witin ai tnawa distika ra mamdiskbia, kan witin ra balram bamna.