Matiu 23:33 - DAWAN BÎLA AISKA

³³ “¡Piuta nani! ¡Piuta saura nani kiamka! ¿Man nani nahki hil pauta pâtka ba wina swak takma ki?

Matiu 23:33 ပူးပေါင်းရင်းမြစ်များ

Blasi Sturka 3:15

Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

Aiseya 20:6

Bukra kabu un ra iwi uplika nani ba sut baha piua ra witin nani aisabia: ‘Man nani kaiks baha waitnika ra yawan bîla kaikanka bri kata ba; witin dîa kat bal takaskan ba, yawan bui witin ra plapi hilp makabi kata ba, Asiria kingka mihta wina pri wan sakaia dukiara. ¿Nanara yawan nahki swak takaia?’ ”

Matiu 12:34

¡Piuta kiamka nani! ¿Nahki sip sma ki diara pain nani aisaia, kan man nani pali saurakira sma ba? Kan wan bîla ni aisi ba lika wan kupia aibanhwan ba wina aula.

Matiu 23:32

¡Baku bamna, damikam nani tâ krikan ba, man nani dauki tnata alks!

Matiu 3:7

Sakuna Jan kaikan parisi nani, sadiusi nani sin ailal tahbi daukbia wisi balan, bara witin bila: “¡Piuta kiamka nani! ¿Ya mita man nani ra maisam pakan pât tara wan lamara aula ba wina plapi swakwaia?

Matiu 5:22

Sakuna yang bui man nani ra mai wisna: Ya ya ai muihni mapara ai kupia baikbia kaka, lâ pâtka dimbia. Ya ai muihni ra bîla saura wibia ba, lâ wihta nani mita ai lâka daukbia; bara ya ai muihni ra kunin lâka daukbia ba, hil pauta pâtka briaia pat baila sa.

Luk 3:7

Upla nani Jan Tatahbra mita tahbi daukan kabia dukiara aidrubi balan kan nani ra, witin naku aisi kan: “¡Piuta kiamka nani! ¿Ya mita man nani ra maisam pakan baha pâtka tara wan lamara aula ba wina plapi swak takaia?

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

2 Korint 11:3

Kuna si brisna piuta ai kuninka ba ni Iv ra kunin munan ba baku, swirka man nani ra sin kunin mai munbia, bara kupiam lukanka kumi ba bara sunu kaia lâka Kraist tani brisma ba sin swima.

Hibru Nani 10:29

Bamna, Gâd Luhpia ra ai mina ni taibi uplika ba, bara tâlia ra bahki kulki ba, bara kupia yamni Spiritka ra sin saura muni ba mapara, ¿nahki kabia ki? ¡Man nani luki kaiks nahki witin ba kau klala saura pali briaia ba! Kan baha tâlia mita sika lâ daukan ba karna saki ba, bara baha ni sin uplika ba holikira daukan sa.

Hibru Nani 12:25

Baha mita, aman kaiki bas, bara witinka wan aisi ba ra walaia apia lika wipara. Baha nani ba witinka naha tasba ra Gâd dahra aisi kan ba ra walaia apia win ba, swak takras kata; baku bamna, yawan pali lika kau swak takbia apia, witinka kasbrika purara wina wan smalki wan aisi bara wan nina laki tris tawbia kaka.

Hibru Nani 2:3

Baku bamna, ¿nahmuna swaki sakan lâka tara pali na alki briras ban pali swibia kaka, yawan na nahki swak takbia ki? Dawan pali mita naha swaki sakan lâka na pas dahra aisan, bara baha ningkara, witin ra walan nani ba yawan ra latan wan marikan baha ba kasak pali sa.

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.