Matiu 23:26 - DAWAN BÎLA AISKA

²⁶ ¡Man parisi diara kaikras: kâp bara plit ba bîla tani ba pas klin dauks, bara baku lika pura tani ba sin klin kabia!

Matiu 23:26 ပူးပေါင်းရင်းမြစ်များ

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Jirimaya 13:27

Yang mai kaikri man nahki rug lâka dauki ailihki kapram ba, swiram dauki ur taki saura taukram ba, daukankam saura kaikan ai daukras ba dauki kiuhsi nani ra insla nani ra taukram. ¡Jerusalem, sarkam pali ai daukisa!, ¿ahkia kat man tâski ban kaisma?”

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Isikiel 18:31

Yang maipara saura daukram sut ba wina tnaya ra taks, kupiam ra spirit raya bris. ¿Dîa muni pruaia kabia, Israel luhpia nani ba,

Matiu 12:33

“Dus yamni ba mâ sin yamni sakisa; bara dus saura ba, mâ sin saura sakisa. Kan dus ba mâ wina ai tânka marikisa.

Matiu 14:8

Bara yaptika mita smalki munan ba ra, Herod ra win: —Jan Tatahbra lal ba plit kum ra mangki aik.

Mark 7:4

Bara atki watla wina aula piua ra, plun piras kan, kau ai natka ba kat ai mihta sikbras piua ra. Bara baku sin, natka wala nani brisa, diaia kapka nani, bukit nani, bras dakawa nani bara krikri nani ba sin sikbi kan.)

Luk 11:39

Sakuna Dawan bila: —Man nani parisi nani lika kâp bara plit ba nina tani baman sikbisma, sakuna man nani kupiam ra lika implikan lâka bara diara saura ni sin aibanhwan sa.

Luk 6:45

Upla yamni ba sturi yamni baman aisisa, kan ai kupia ra diara pain baman bâra sa; bara upla saura ba sturi saura baman aisisa, kan saurka ba ai kupia ra sa. Bamna wan bîla ni aisi ba, wan kupia ra bri ba wina takisa.

2 Korint 7:1

Baku bamna, muihki laitwankira nani, naha sika pramiska nani yang nani brisna ba. Bamna wan wîna bara wan spiritka sut ba tâski âpu klin bri kap; bara Gâd sibrinka ra, yawan na aiska holikira takaia sa.

Hibru Nani 10:22

Baha mita, kaisa yawan wan kupia tânka kunin âpu bara kasak lukan lâka sin kasak pali brih, Gâd lamara waia; kan witin mita wan kupia nani ba klin daukan sa, yawan ba saurka dukiara pâtkira banhwisa lukbia apia dukiara, bara wan wîna tara nani ba lî tâski âpu ni sikban sa.

Jems 4:8

Gâd lamara man nani was, bara witin lika man nani lamamra wabia. ¡Saura dadaukra nani, mihtam nani ba siks! ¡Bara man nani bui Gâd ra latwan kaikisma, bara sim piua ra tasba ra latwan kaikaia lukisma nani ba, kupiam nani sunu dauks!