Matiu 23:24 - DAWAN BÎLA AISKA

²⁴ ¡Man nani, tâ uplika diara kaikras nani, brabra lupia diaikam wina singbi sakisma, sakuna kiamil tara kum langkisma!

Matiu 23:24 ပူးပေါင်းရင်းမြစ်များ

Aiseya 9:16

Kan naha tawanka wihtka tara nani ba, upla ra kunin mamunra nani sa, bara witin nani tâ brabrira kum pliki kan ba tiwan sa.

Matiu 15:14

Baha nani ba swis, witin nani ba nakras bara nakras wala nani ba tâ brisa. Bara nakras kum nakras wala tâ brisa kaka, wâlsut unta kum ra kauhbia.

Matiu 19:24

Kau sin mai wisna: Kiamil kum silak nakra bâk dimi luaia ba kau isi kabia, lalahkira kum Gâd king aimaki ba lâka ra dimaia ba wal.

Matiu 23:16

“¡Tâ uplika diara kaikras nani, man nani mampara saura pali kabia! Kan man nani naku wisma: ‘Ya tempel nina mâki swer taki pramis kum daukbia kaka, baha ba bahki sa; sakuna tempel gulka nina mâki swer takbia kaka, ai bîla aisin ba kat daukaia sa.’

Matiu 7:4

Bara man namkra pali ra dus playa kum brisma ba, ¿nahki man muihkam ra wiaia sip kama: ‘Aik namkra wina tâski lupia ba sakamna’?

Jan 18:28

Bamna Jisas ba Keyapas watla wina tawan wihtka tara watla ra brih wan. Baha piua ba pat yu baiwaia man kan, bara Ju nani lika lâ watla tara ra dimras kan, tâski kulkan kabia apia dukiara, kan baku daukbia kaka, Insal luan Yua Liliaka tutnika pata ba piaia sip apia kan.

Jan 18:40

Bamna baha nani sut ai bîla baikra tara ni naku winan: —¡Jisas lika apia! ¡Sakuna Barabas lika lanhks! Naha Barabas na lika waitna kum âimplikra kata.

Param Marikanka 12:16

sakuna tasba mita mairin ba hilp munan; tasba ai bîla kwâkan, bara baha awalka dragun ai bîla wina sakan kan ba langkan.