Matiu 23:2 - DAWAN BÎLA AISKA

² “Lâ Smasmalkra nani bara parisi nani sin Moses lâka tânka pliki marikaia karnika brisa.

Matiu 23:2 ပူးပေါင်းရင်းမြစ်များ

Esdras 7:25

“Bara man, Esdras, Gâdkam ai sinska lâka dîa man ra maikan ba kat, tawan ra wihta sirpi nani bara wihta tara nani sin mangks, sins lâka wal Éufrates awala muna tani ra upla nani ba sut pura kaiki kabia, baha nani sut man Gâdkam lâka kakaira nani ba, bara tânka briras nani ba sin sut man bui witin nani ra smalki mariks.

Esdras 7:6

Dawan, Israel Gâdka Moses ra lâ yan smalkan lâka ba, Esdras ba kakaira pali kan, baha smasmalkrika ba Dawan wina karnika yabi kan, baha mita witin diara nani king Artajerjes ra makaban ba sut yan. Baku natka ra Esdras ba Babilon wina kli tawi balan

Malaquía 2:7

Baha sika prîs nani warkka, upla nani ra smalkaia yang wal kakaira takaia, upla sut witin nani ra wih smalkanka ba briaia, kan witin nani sika Dawan karnika sut bri ba bîla smasmalkra nani sa.

Matiu 23:3

Baku bamna, man nani bîla wals, dîa daukma mai wibia ba sin dauks; sakuna ai daukanka saura nani ba nina blîkpara, kan witin nani dîa smalki ba kat daukras, diara wala baman daukisa.

Mark 12:38

Jisas ai smalkanka ra, witin nani ra naku win: “Lâ Smasmalkra nani ra aman kaiks, witin nani prâk yari dimaia lihki ba, bara tawan bilara upla ai lakula wibia sin lihki ba.

Luk 20:46

“Aman kaiki bas Lâ Smasmalkra nani dukiara, kan witin nani lihkisa prâk yari tara dimi taukaia, bara pulaia watla nani ra upla nani ai lakula wibia; Ju nani priaska watla nani ra sin kau plis pain ba ra iwaia plikisa, bara plun piaia piua ra sin kau plis painkira nani ra iwan daukisa.

Kli Smalkanka 33:3

Dawan lika ai uplika nani ra latwan kaikisa, sunu takan nani ba main kaikisa; witin nani sin ai mina ra bawisa bara ai adarka nani sin brisa.