Matiu 23:13 - DAWAN BÎLA AISKA

¹³ “¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.

Matiu 23:13 ပူးပေါင်းရင်းမြစ်များ

Aiseya 33:14

Saion ra saura dadaukra nani ba sirang iwi tatatwisa, upla saura nani ba sirang iwi bal aisisa: “¿Ya yawan wan tila wina pauta klauhan wan sasauhkra bâra iwi ban kaia sip sa, pauta klauhan ban kaia ba?”

Sakaraya 11:17

¡Baha sepadka diara yamni sip daukras sîp daknika lulki swi ba, sari pali kabia! ¡Yarka sord ba ai klahkla bara ai nakra aihkika purara kauhbia! ¡Bara klahkla ba yarka lâwbia, nakra ba sin kaikras daukamna!”

Matiu 23:16

“¡Tâ uplika diara kaikras nani, man nani mampara saura pali kabia! Kan man nani naku wisma: ‘Ya tempel nina mâki swer taki pramis kum daukbia kaka, baha ba bahki sa; sakuna tempel gulka nina mâki swer takbia kaka, ai bîla aisin ba kat daukaia sa.’

Matiu 23:23

“¡Lâ Smasmalkra nani bara parisi nani, kuninkira nani, man nani mampara saura pali kabia!, diara matawalsip bani wina kumi Gâd ra yabaia ba, man nani baha mint wahia, anis bara kumin wina yabisma, sakuna lâ smalkanka tara nani ba lika bîla walras, baha nani sika umpira kaikaia lâka ba, kasak wapni kaia lâka ba. Baha sika man nani daukaia sma ba, bara wala ba sin swiras ban dauki kaia sma.

Matiu 23:25

“¡Lâ Smasmalkra nani bara parisi nani, kuninkira nani, man nani mampara saura pali kabia!, kan man nani kapkam bara plitkam ba nina purak baman klin daukisma, sakuna bilara lika impliki bara gridi taki sakram lalahka ba baman banhki sa.

Matiu 23:27

“¡Lâ Smasmalkra nani bara parisi nani, kuninkira nani, man nani mampara saura pali kabia!, kan man nani lika sim raiti pint pihni dingkan bara pura mapa baman pain ba baku sma, sakuna bîla tani lika upla pruan dusa nani bara diara tâski ni banhwan sa.

Matiu 23:29

“¡Lâ Smasmalkra nani bara parisi nani, kuninkira nani, man nani mampara saura pali kabia! Man nani mita prapit raitika ba paskisma, bara upla pain kan nani raitika sin pain pali skahkisma,

Matiu 3:7

Sakuna Jan kaikan parisi nani, sadiusi nani sin ailal tahbi daukbia wisi balan, bara witin bila: “¡Piuta kiamka nani! ¿Ya mita man nani ra maisam pakan pât tara wan lamara aula ba wina plapi swakwaia?

Luk 11:52

“¡Alai pali kabia man nani Lâ Smasmalkra nani ra! Kan man nani diara tânka kaikaia kîka brisma ba; sakuna man nani sin dimras bara diman dauki nani ra sin yaram dimras.

Jan 9:22

Aisika bara yaptika wal sibrin kan ba mita baku aisin, kan Ju nani pat lâ daukan kan, ya mita Jisas ba Misaya sa wibia kaka, prias watla ba wina kangbi sakaia.

Jan 9:24

Bara Ju nani mita kan piua ra blain kan waitnika ba kli paiwi, win: —Diara kasak ba wan wis Gâd mawanra; kan yang nani kaikisna baha waitnika ba lika saura dadaukra sa.

Jan 9:34

Bara witin nani win: —Man lika saurka lâka wina aisubi takram, ¿bamna yang nani ra ai smalkaia lukisma ki? Bamna witin nani Ju nani priaska watla ba wina waitnika ba kangbi sakan.

Apastil Nani Sturka 13:8

Sakuna baha sukia Grik bîla ra Elimas mâki kan ba mita baha wihtka ba ra wi kan, Bernabé bara Saúl wal mita dîa smalkbia ba kasak lukaia apia.

Apastil Nani Sturka 5:28

—Yang nani bui man nani ra adar maikri, baha waitnika nina mâki kli smalkaia apia, ban sakuna, kaiks dîa daukisma ba. Man nani smalkankam ni Jerusalem aiska banhkram sa, bara sin trai kaikisma baha waitna pruan ba dukiara yang nani na pâtkira ai daukaia.

Apastil Nani Sturka 5:40

Witin nani Gamaliel aisin ba pain walan. Bamna apastil nani ba winan balan, bara wipi muni, win: —Man nani kli pali Jisas nina brih smalkpara. Baha ningkara mahka pri sakan.

Apastil Nani Sturka 8:1

Bara Saulo bâra kan, Stiben pruanka ra luki aitani tânka yabi. Bara baha sim yua, Jerusalem ra serts bâra kan ba mapara rausauhkanka tara pali buan. Lalukra nani ban plis plis ra plapan, Judia bara Sameria tasbaya nani ra; sakuna apastil nani lika bâra kan.

2 Timoti 3:8

Bara Janes, Jambrés wal, witinka nani sukia nani kan ba, Moses mapara buan ba baku, baha uplika nani sin kasak tânka mapara bûi banhwisa. Baha uplika nani sinska ba aihka saura takan sa, bara kasak lukan lâka mapa ra witin nani pain aihwa apia sa.

2 Timoti 4:15

Man lika witin ba aman kaiki bas, wan smalkanka ba mapara witin kasak buan sa bamna.