Matiu 22:39 - DAWAN BÎLA AISKA

³⁹ Wala kumi baha wal talia ba lika, naku wisa: ‘Uplikam ra latwan kaiks, man wînam ra latwan kaikisma ba baku.’

Matiu 22:39 ပူးပေါင်းရင်းမြစ်များ

Libait Lâka 19:18

“Uplikam mapara pana munaia kupiam saura lâka daukpara. Uplikam ba latwan kaiks man wînam baku. Yang sika Dawan.

Matiu 19:19

aisikam bara yaptikam wal kulks; bara man wînam ra latwan kaikisma ba baku, uplikam ra sin latwan kaiks.’

Matiu 22:38

Naha sika lâ bîla nani wina kau tara bara kau tâura ba sin.

Mark 12:31

Wala naha wal baku ba lika naha sa: ‘Uplikam ra wînam ra latwan kaikisma ba baku latwan kaikma.’ Naha nani purkara lâ wala âpu sa.

Roman 13:8

Bamna upla kumi wal sin tras bripara, sakuna upla wala wal pana pana latwan kaikaia traska ba lika bri bas; kan ani uplika mita upla wala ra latwan kaiki ba lika, dîa Gâd lâka wan wi ba sut daukan sika.

Roman 15:2

Yawan kumi bani wan muihni kupia lâka daukaia sa, witin ba pain kabia dukiara bara kasak lukan lâka ra sin pâwbia dukiara.

Galesha 5:14

Kan lâ nani sut ba naha lâka ra man asla prakan sa: “Walkam ra latwan kaiks, sim man wînam pali ra baku.”

Galesha 6:10

Bamna ani piua yawan sip ba ra, upla sut ra diara pain nani dauki kap, bara kau aiska pali lika, kasak lukan lâka ra wan muihni nani ba sut ra.

Jems 2:8

Ulbanka lâ kau tara ba naha sika: “Uplikam ra latwan kaiks, man wînam baku”, bara man nani baha ba kulkisma kaka, uya pain daukisma.