Matiu 22:16 - DAWAN BÎLA AISKA

¹⁶ Bara ai uplika tila nani, Herod uplika nani kira blikan Jisas ra wiaia: —Smasmalkra, yang nani pain kaikisna man ba kasak kat aisisma, bara upla nani aisi ba kulkras Gâd yabalka ba kat kasak smalkisma, kan man ba upla mawanka ba kulkras sma bamna.

Matiu 22:16 ပူးပေါင်းရင်းမြစ်များ

1 King Nani 22:14

Bara Micaías pana win: —¡Dawan nina mâki swer takisna, Dawan dîa ai wibia ba baha aisamna!

Lawana Nani 12:2

Witin nani bani ai uplika ra kunin bîla aisisa; ai mawan wâl, ai bîla wâl bri aisisa.

Lawana Nani 5:9

Witin nani sturi kasak aisaras; ¡lukanka bîla tani ba sut aisawan! Ai kârma ba, raiti kwawan baku sa; ¡kunin nani ba ai twisa ra sa!

Lawana Nani 55:21

Ai aisinka nani ba butar lalalnika baku aisisa, sakuna ai lukanka nani ba lika war bukisa. Ai bîla aisinka ba batana baku swapni sa, sakuna baku apia sa, sim sord malika baku brisa.

Sins Lâka 29:5

Ya piu bani ai uplika mayuni ba, witin kainara mina alkaika kahbisa.

Malaquía 2:6

Libai smalkanka tâski âpu kasakka tânka kat smalki kan. Yang wal wapni, kupia kumi lâka, upla ailal saura wina yamni ra lakan.

Malaquía 2:9

Bamna man nani bui yang bîli wali daukras kapram ba mita, upla nani lâ kumi baman briaia smalkras kapram bamna, yang daukamna upla sut man nani ra saura pali bahki mai kulkaia.” Karnika sut bri Dawanka ba, naha aisisa.

Matiu 22:24

Smasmalkra, Moses wan win marit waitna kum luhpa sakras ban prubia kaka, muihnika ba ai piarkika ba wal brih, luhpa nani sakaia sa ai muihni pruan ba watlika ra.

Matiu 22:26

Baha ningkara, witin ningka ba ra sim baku takan, ba wina wala ba brin bara sim baku takan; bara baku baman, muihnika 7 kat brin.

Matiu 26:18

Witin mita pana win: —Tawan ra was, waitna kum watla ra, bara naku wis: ‘Smasmalkra bila wisa: Awarki ba pat baila sa, bamna wamtla ra disaipilki nani aikuki Insal luan Yua Liliaka ba daukaisna.’

Matiu 26:49

Bara witin Jisas lamara bal, win: —¡Naksa, Smasmalkra! Bara witin ra kiawalan.

Mark 10:17

Bara Jisas kli impakan ba ra, waitna kum plapi bal, ai mawanra ai lula kriki, makabi walan: —Smasmalkra yamni, ¿yang raya ban kaia lâka ba briaia kaka, dîa daukaia sna ki?

Mark 12:13

Bara witin nani mita Jisas ra, parisi nani, bara Herod uplika nani sin blikan, yaka dîa pana aisabia bara dahra kwahkaia dukiara.

Mark 12:14

Baha nani bal witin ra win: —Smasmalkra, yang nani kaikisna man lika diara kasak ba kat aisisma, upla dîa aisi ba man kulkras, kan man upla nani mawan ba kulkras, sakuna Gâd yabalka ba kasak tânka kat smalkisma. ¿Rom wihtka tara ra lal mana aibapaia ba lâ sa ki, apia kaka, lâ apia? ¿Yang nani lal mana aibapaia sna, apia kaka aibapaia apia sna ki?

Mark 3:6

Bara parisi nani taki, Herod uplika nani wal ai lâka daukan Jisas ra ikaia.

Mark 8:15

Bara Jisas karna aisi smalkan: —Kaiks, damra wals parisi nani îska ba, Herod îska dukiara sin.

Luk 20:21

Baha mita witin nani naha makabi walanka na makabi wali banhwan: —Smasmalkra, yang nani kaikisna man dîa aisi smalkisma ba kasak sa, bara man upla mawan ba sin kulkras sma, sakuna diara kasak ba bara Gâd yabalka tânka ba kat smalkisma.

Luk 7:40

Bamna Jisas parisi ba ra win: —Saiman, yang diara brisna man ra mai wiaia. Parisi ba pana win: —Ai wis, Smasmalkra.

Jan 14:6

Jisas bila: —Yang sika yabal ba, kasak tânka ba bara rayaka ba sin. Yang bâk baman sip sa Aisa ra waia.

Jan 18:37

Bara Pailat pana win: —¿Baku bamna, man ba king kum sma ki? Jisas pana win: —Âu, yang na king sna, man aisaram ba baku. Yang aisubi taki, naha tasba ra balri diara kasak ba upla nani ra wiaia. Bamna baha nani sut kasakka lâka ra nani ba, yang dîa aisisna ba aman walisa.

Jan 7:18

Ya yakan ai kupia wina baman saki smalki ba lika, upla wina mayunra lâka plikisa; sakuna ani uplika witin ra blikan uplika mayunra pliki ba, baha lika diara kasak ba aisisa kunin sin âpu.

2 Korint 2:17

Yang nani lika Gâd smalkanka bani bisnis daukras, upla manis mita aihka laki dauki ba baku; sakuna, yang nani lika baha smalkanka ba aitani kat kunin âpu smalkisna, Gâd mita wan blikan baku, bara Gâd mawanra aisisna sim Kraist uplika nani baku.

2 Korint 4:2

Wan swira daukaia dukia baman yukuwi dauki ba, yang nani swiri; bara kunin lâka wal taukras, Gâd bîla smalkanka ba kunin lâka praki smalkras. Sakuna baha watlika ra diara kasak ba baman aisisna, bara baku yang nani tâinka ba upla wala nani sut kupia lukra ra mangki swiri Gâd mawanra.

2 Korint 5:16

Baha mita, yang nani kum dukiara sin tasba uplika nani luki ba baku kli lukras: Kraist dukiara sin kanra yang nani tasba uplika nani luki ba baku luki kapri; sakuna nanara yang nani witin dukiara kli baku lukras.

Galesha 1:10

Yang plikras upla mita yamni ai kaikbia, sakuna Gâd mita yamni ai kaikbia. ¡Yang na upla nani mita pain ai kaikbia plikisna kaka, yang kau Kraist albika kamna apia!

Galesha 2:6

Sakuna baha tâ uplika nani baku kulkan kata ba mita, smalkanka raya kumi sin yang ra aikras; witin nani dîa ai tânka ba yang maipara diara apia, kan Gâd lika upla mawan kulki lâ daukras sa.

Kli Smalkanka 33:9

ai aisika bara ai yapti nani ra win: ‘Yang bui man nani mai kaikras pali’, bara ai muihni nani ra sin win: ‘Man nani ba yang mai kaikras’, bara ai luhpia nani ra win: ‘Man nani ya sma sapa yang nu âpu.’ Witin nani bîlam walisa, aiska pali man lâmka ra iwisa.

1 Tesalonaika 2:4

Sakuna, yang nani lika piua sut dîa Gâd want ba kat aisisna, kan witin mita trai wan munan, bara sturi yamni ba smalki kamna wisi aikan. Yang nani mita upla nani dîa brin dauki ba kat daukras, kuna Gâd brinka ba kat mika, witinka wan kupia nani tânka pliki kaiki ba.

Jems 3:17

Sakuna Gâd wina sinska lâka bri uplika nani ba, tâura ai rayaka ba sunu brisa; baha ningkara, kupia kumi lâka brisa, upla ra pain munisa, bara diara tânka kat dauki uplika nani sa. Umpira lâka brisa bara ai uplika ra yamni munisa; witin nani kasak kat daukisa kunin lâka âpu.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.