Matiu 22:13 - DAWAN BÎLA AISKA

¹³ Bamna king ba tibil mangki kan nani ra win: ‘Mina nani bara mihta nani ba priski, lata tihmu tara ra lulks; bahara sika witin inbia, bara ai napa nani sin arkbia.’

Matiu 22:13 ပူးပေါင်းရင်းမြစ်များ

Lawana Nani 112:10

Upla watawikira nani, baha kaiki ai kupia sauhkisa; witin ai karnika âpu ba mita ai napa ba arkbisa. Watawikira nani brin dauki ba, bahki ra tawbia.

Lawana Nani 37:12

Upla watawikira ba ai kupia ra diara lukisa upla yamni ra saura munaia, bara ai nakra ba misbara lâka wal tawi kaikisa.

Aiseya 52:1

Rawi bus, Saion, rawi bus, karnikam ba prâmka dims, Jerusalem tawan holikira prâmka kau pranakira ba dims, kan gâdkas, upla tâskikira, kli bal man ra dimbia apia.

Daniel 3:20

Baha ningkara suldiar nani tila wina kau waitna karna nani ra win Sadrac, Mesac bara Abed-negó ba alki priskbia bara kubus pauta klauhi ba ra lulkbia.

Matiu 12:29

“¿Baku sin nahki sip kabia ki upla kum waitna karnakira kum watla ra dimi, witin ba pas priskras kaka, ai dukia nani dakbia? Baku baman sip sa diara bri nani ba dakbaia.

Matiu 13:30

Swis wâlsut pâwbia dâkaia piua kat; bara baha piua ra, wark uplika nani blikrika inma saura ba pas daiki, karban nani dauki, angkbia, bara baha ningkara, plawar mâ ba lika pati watla ra sunbia.’ ”

Matiu 13:42

Baha nani pauta klauhi watla ra lulkbia, bara baha ra sika inan man kabia, ai napa nani sin arkbi kabia.

Matiu 13:50

bara saura nani ba pauta klauhi watla ra lulkbia, bara bahara sika inan kabia, ai napa nani sin arkbi kabia.”

Matiu 24:51

bara kau pât saura pali ba yabia, bamna kuninkira nani pâtka ba aikuki wauhbia. Bâra mika witin inbia, ai napa nani sin arkbia.

Matiu 25:30

Bara naha alba bahki saura na, lata tihmuka ra lulki swis; bahara sika witin inbia, ai napa nani sin arkbia.’,

Matiu 8:12

sakuna Gâd king aimaki ba lâka ra kaia nani ba lata tihmuka ra lulkan kabia; bara bahara sika ini banhbia, ai napa nani sin arkbi kabia.

Luk 13:28

Baha piua ra Ebraham, Aisak, Jekob bara prapit nani sut Gâd king aimaki tasbaya ra kabia ba kaikma ba ra, sakuna man nani lika latara mai lulkan kabia, bara bahara ini ban man kama, nampa nani sin arkbi kama.

Jan 21:18

Bamna yang kasak pali mai wisni, man kau wahma katma ba ra, kwalkam dimi anira waia want kapram ba ra taki wi katma, kuna man almuk takma ba ra, mihtam sakbi brima bara wala kum mita kwalkam mai dingki, bara anira waia want apia sma ba pliska ra mai brih wabia.

Apastil Nani Sturka 21:11

Witin ba yang nani ai kaikaia balan. Bara Pal maisa wila ba brih, ai mina nani bara ai mihta nani sin priski, naku aisin: —Spirit Holikira bila, Jerusalem ra Ju nani naha maisa wila dawanka ra naku priski, Ju apia nani mihta ra mangkan kabia.

Apastil Nani Sturka 7:54

Witin nani naha diara nani walan ba ra, ai kupia sauhkan, ai napa nani sin arkban Stiben ba mapara.

2 Tesalonaika 1:9

Naha nani ba, ban kaia ra sauhki tikan pâtka wal klala yan kabia; bara Dawan mawan wina, ai prana wina bara ai karnika wina sin, laihura saki lulkan kabia,

2 Pita 2:17

Naha smasmalkrika nani lika, sim tingni kumi lâwan ba baku sa, kasbrika nani pâsa mita aki brih wi ba wal baku sa; bamna baha nani dukia wisi, Gâd mita plis tihmu tara pali kum ridi dauki swin sa.

2 Pita 2:4

Gâd mita insal nani saura daukan ba saurka swih tikras, kuna baha nani ba sut hil pauta ra lulki tihmu pali ra swin sa, sîn ni priski lâ tara yua ba kat lâka daukaia.

Judas 1:13

Kabu ripka prautkira nani baku, ai daukanka saura nani ba wina swira lâka nani ukatka ba sakisa; slilma nani ai yabalka tikan nani sa, pât ban kaia ra lulkan sa, tihmu tara tilara kaia.

Judas 1:6

Bara insal nani, ai pliska bri kan ba main kaiki briras, sakuna ai watla pali ba sin swin nani ba, baha nani ra Gâd mita ban kaia ra priski, silak watla tihmu ra brisa, lâ tara yua balbia ba kat.

Param Marikanka 21:27

Sakuna tâski dukia kumi sin, upla diara saura pali bara kunin sin aisi ba, bahara sip dimbia apia. Baha nani ai nina ba raya kaia wauhkataya Sîp Luhpia bri ba ra ulbi mangkan ba baman, tawanka ba ra dimbia.