Matiu 21:46 - DAWAN BÎLA AISKA

⁴⁶ Bamna witin nani bui Jisas ra alkaia lukan, sakuna upla nani ra sibri kan, kan upla nani kasak kulkan Jisas ba Gâd prapitka kan.

Matiu 21:46 ပူးပေါင်းရင်းမြစ်များ

Sins Lâka 15:12

Lawaska kakikra lika ai kupia krauki uplika ra latwan kaikras; witin ba upla sinskira nani wal sin prawras sa.

Aiseya 29:1

¡Saura pali kabia Ariel mapara, Ariel, baha tawanka tara ra Debit ai kiampka bapan ba! Kau mani kum kum witin ai liliaka dauki ba piua lubia ba ra,

Matiu 21:11

Bara upla nani ba bila: —Naha na prapit Jisas, Galili tasbaya ra Nasaret tawanka ba wina.

Matiu 21:26

Bara upla nani mita blikan wibia kaka, yawan upla nani ra sibrin wan daukisa; kan upla sut kasak lukisa Jan ba Gâd prapit kan.”

Matiu 21:45

Prîs wihtka nani bara parisi nani sin Jisas maprika lilka nani aisi ba walan ba ra, ai dara walan baha ba witin nani dukiara aisi kan.

Matiu 22:1

Jisas bui upla nani ra kli maprika lilka nani wala aisi, win:

Mark 11:18

Prîs tara nani, Lâ Smasmalkra nani sin baha ba walan, bara witin nahki ikaia ba plikan, kan baha nani witin ra sibrin kan, upla sut ai smalkanka wali tâ iwan kan bamna.

Luk 7:16

Upla sut naha diara kaikan ba ra, sibrin taki, mahka Gâd ra mayuni, win: —Prapit kum bal takan. Baku sin aisi kan: —Gâd balan ai uplika nani ra hilp munaia.

Luk 7:39

Jisas ra paiwan parisika ba mita naha kaikan piua ra, ai kupia ra naku lukan: “Naha waitnika na prapit kum kata, ai dara walaia kan witin ai taya ra kangbi mairka ba ya sapa, kan witin lika saura lâka dadaukra sa.”

Jan 7:30

Baku mika, upla nani ba mita Jisas ba priski bri waia luki kan; kuna upla kumi sin witin ra ai mihta mangkras kata, kan ai piua ba kau aimakras kan bamna.

Jan 7:7

Tasba uplika nani man nani ra sip misbara mai kaikras sa, sakuna yang ra lika misbara ai kaikisa, kan yang lika witin nani diara saura nani dauki ba witniska sna.

Apastil Nani Sturka 2:22

“Israel luhpia nani, pliskam naha na pain wals, dîa pali dukiara aisi kamna ba: Baha Jisas Nasaret wina kan ba Gâd mita witin ba waitna painkira kulkan kata, man nani mamwan kat witin mita diara aihka tara nani, sain nani sin daukan. Bara baha tânka ba pain kaikram.