Matiu 21:42 - DAWAN BÎLA AISKA

⁴² Bara Jisas witin nani ra win: —¿Man nani Ulbanka ra kau aisi kaikras ki? Naku ulban sa: ‘Walpa utla mâmakra nani mita lulki swin ba, baha pali sika raya wihtka takan ba. Naha na Dawan mita daukan sa, bara yang nani aihka tah iwi banhri sa.’

Matiu 21:42 ပူးပေါင်းရင်းမြစ်များ

Aiseya 28:16

Baha mita, Dawan ba naku wisa: “Saion ra walpa kum mangkamni, walpa kum mana tara pali bâk saki briri ba, walpa pas, sut wihtka ba, baha purara mâki kaia walpaya ba, ya witin ra kasak luki ba ai âuyapah kaia sip kabia.

Abakuk 1:5

Bara Dawan pana witin ra win: “Aihwaki kaiki bas nisan nani tnamya kir mai kutbi bri ba; man nani kaiks bara sirang tara iwi kama. Yang mahka baha dukia sâtka nani daukaia pat baila sna, man nani baha sturka walma ba ra, sip kasak lukma apia, upla kum bal mai wibia kaka.

Matiu 21:43

Baha mita, man nani ra mai wisna, Gâd king aimaki lâka ba man nani mihtam wina dakbi, upla nani king tasbaya mâ saki nani ra yaban kabia.

Apastil Nani Sturka 4:11

Naha Jisaska sika walpa ba, sakuna man nani utla mâmakra nani mita witin ba bahki kulkram, ban sakuna witin sika walpa kau painkira ba.

Roman 9:33

Ulbanka ba ra dîa aisi ba: “Yang bui walpa tara kum Saion ra mangkuna, walpa kum bahara witin nani ai mina prukaia; ya bahara kasak lukbia ba, ai lukanka ba kunin munbia apia.”

Epesus 2:20

Man nani ba utla kumi baku apastil nani bara prapit nani playa bapan ba purara mai paskan sa, bamna Jisas Kraist pali sika baha playa bapan walpaya kau tara ba.