Matiu 21:11 - DAWAN BÎLA AISKA

¹¹ Bara upla nani ba bila: —Naha na prapit Jisas, Galili tasbaya ra Nasaret tawanka ba wina.

Matiu 21:11 ပူးပေါင်းရင်းမြစ်များ

Matiu 2:23

Bahara wan ba ra, Nasaret tawanka ra wih iwan. Baha ba ban takan, Gâd prapitka nani aisin ba aimakaia ba mata: “Jisas ba Nasaret uplika mâkan kabia.”

Matiu 21:10

Jisas Jerusalem ra diman ba ra, tawan aiska ba turban pali takan, bara upla ailal makabi walan: —¿Naha na ya?

Matiu 21:26

Bara upla nani mita blikan wibia kaka, yawan upla nani ra sibrin wan daukisa; kan upla sut kasak lukisa Jan ba Gâd prapit kan.”

Matiu 21:46

Bamna witin nani bui Jisas ra alkaia lukan, sakuna upla nani ra sibri kan, kan upla nani kasak kulkan Jisas ba Gâd prapitka kan.

Mark 6:15

Wala nani bila: “Baha lika prapit Ilayas.” Wala nani bila: “Pas piua prapitka kum baku sa.”

Luk 13:33

Sakuna yang ban impaki kaia sna naiwa, yauhka bara yahwanka sin, kan aitani apia sa prapit kum ba Jerusalem wina plis wala ra ikan kaia.

Luk 24:19

Pana witin bila: —¿Dîa takan ki? Witin nani bila: —Jisas Nasaret wina ba dukiara sika, witin lika prapit karnakira kata, diara daukaia mapa ra bara aisaia mapa ra sin, Gâd mawanra bara upla nani mawanra sin.

Luk 7:16

Upla sut naha diara kaikan ba ra, sibrin taki, mahka Gâd ra mayuni, win: —Prapit kum bal takan. Baku sin aisi kan: —Gâd balan ai uplika nani ra hilp munaia.

Luk 7:39

Jisas ra paiwan parisika ba mita naha kaikan piua ra, ai kupia ra naku lukan: “Naha waitnika na prapit kum kata, ai dara walaia kan witin ai taya ra kangbi mairka ba ya sapa, kan witin lika saura lâka dadaukra sa.”

Jan 1:21

Kli prîs bara Libait nani bui makabi walan: —Ban kaka, ¿man ba ya? ¿Man ba prapit Ilayas? Pana Jan win: —Yang baha apia sni. Witin nani kli kli makabi wali kan: —Bamna, ¿man ba baha prapit balaia kata ba ki? Bara Jan bui witin nani ra win: —Apia.

Jan 1:25

makabi walan: —Bamna man ba Misaya apia, Ilayas sin apia, bara baha prapitka ba sin apia, ¿baku kaka dîa kan upla nani ra tahbi daukisma?

Jan 4:19

Naha walan ba ra, mairin ba bila: —Mâsa, yang kaikisni man na prapit kum sma.

Jan 6:14

Bamna upla nani ba Jisas naha sainka aihka pali daukan kaiki, naku win: —Kasak pali, naha sika prapit tasba ra balaia kan ba.

Jan 7:40

Bamna upla manis naha walan ba ra, naku aisan: —Naha waitnika sika kasak, baha prapitka balaia kata ba.

Jan 9:17

Bara blain kan rawan waitnika ra kli makabi walan: —¿Bara man ba dîa wisma baha waitnika namkra maikan ba dukiara? Waitnika ba bila: —Yang lika wisna baha waitnika ba prapit kum sa.

Apastil Nani Sturka 7:37

Naha sim Moseska sika Israel luhpia nani ra naku wisata ba: ‘Gâd mita prapit kum mai blîkbia, man nani muihkam nani tila wina, sim yang ai blikan baku. Man nani bui witin bîla wali bas.’