Matiu 20:34 - DAWAN BÎLA AISKA

³⁴ Bara Jisas mita witin nani ra umpira kaikan, bamna nakra nani ra kangban. Baha sim pali piua ra blain nani ba kaikaia sip kan, bara Jisas nina blikan.

Matiu 20:34 ပူးပေါင်းရင်းမြစ်များ

Lawana Nani 119:67

Kau mâyara bawras kapri bara tanis lâka manis daukri, sakuna nanara, yang bîlam wali daukisni.

Lawana Nani 119:71

Mâyara bawaia lâka ba, yang ra yamni takan, baku sika yang, man lâmka nani lan takri.

Lawana Nani 145:8

Dawan ba kupia yamni sa, bara latwan kaikisa, witin sin wihka bîla kaikisa, bara latwan lâka sut brisa.

Matiu 14:14

Jisas duri wina takan ba ra, upla ailal bahara kan kaikan, bara witin nani ra umpira kaikan, bara sikniskira nani bri balan ba sut rakan.

Matiu 15:32

Jisas ai disaipilka nani ra wini, naku win: —Naha uplika nani pat yu yumhpa yang wal sa. Witin nani diara piaia âpu sa, bara sari lukisna; ai watla nani ra plun piras blikamna kaka, yabal ra ban plun bla prubia.

Matiu 20:33

Witin nani bila: —Dawan, yang nani kaikaia want pali sna.

Matiu 21:1

Witin nani Jerusalem lamara balan ba ra, Betfagé tawanka lamara balan, Olivet ilka lamara. Bahara Jisas ai disaipilka wâl saki blikan wan,

Matiu 8:15

Jisas bui mairin ba mihta ra kangban ba ra, rihka ba swin; bara witin mahka bûi, witin nani dukia daukan.

Matiu 9:29

Bara Jisas mita blain nakra nani ra kangbi, naku win: —Man nani kasak lukisma ba kat takan kabia.

Matiu 9:36

Upla nani ra kaiki, umpira pali kaikan, kan witin nani sarikira bara hilpkas banhwi kan, sîp nani sepadkas baku.

Mark 7:33

Jisas mita upla tila wina saki, tnaya ra bri si, ai mihta sirpika nani ai kiama ra dingkan, bara ai twisa ra yabalaya ni kangban.

Luk 18:43

Baha sim piua ra, blain kata ba sip kan diara kaikaia, bara mahka Jisas nina blikan, Gâd nina mayuni. Bara upla nani naha kaikan ba sin sut Gâd ra mayunan.

Luk 22:51

Sakuna Jisas bila: —Ban swis; pat aitani daukram sa. Bamna Jisas mita albika ba kiama ra kangbi, rakan.

Luk 7:13

Dawan baha kaikan ba ra, piarka mairin ba dukiara ai kupia swapni takan, bara naku win: —Inpara.

Apastil Nani Sturka 26:18

Man baha uplika nani nakra nani ba ilingkma, bara witin nani tihmia ra kau wapbia apia, sakuna ingni ra yarka wapbia. Bara sin Sitan mihta ra ban kabia apia, sakuna Gâd nina blîkbia; yang ra sin kasak lukbia, bara ai saurka nani sut ba swih tikan kabia, bara naika piua ra ai pliska bri kabia Gâd mita holikira sakan nani ba aikuki.’

Hibru Nani 2:17

Baku bamna, Jisas lika diara sut mapa ra ai muihni nani baku takaia kan, bara baku mika witin sip kaia kan, kasak mapa ra bara umpira wan kaikan lâka ra sin Gâd mawanra prîs tara kaia, bara upla nani saurka nani ba sin sakripais dauki bâk saurka diki sakaia kan.

1 Pita 3:8

Tnata ra, man nani sut kupia kumi lâka ra iwi bas; pana pana walkam ra umpira kaiki bas, bara pana pana sin aikuki muihkam baku latwan kaiki bas. Man nani kupiam swapnikira bara bawikira nani bas.