Matiu 20:2 - DAWAN BÎLA AISKA

² Wark tatakra nani ba aikuki aisi daukan yu kum ra nahki aibapaia ba yabaia, bara baha nani ai nasla ra wark takaia blikan wan.

Matiu 20:2 ပူးပေါင်းရင်းမြစ်များ

1 King Nani 18:12

Yang wamna ba ningkara dîa takbia ba lika, Dawan spiritka ba bui mai brih wabia yang nu âpu sna ba pliska ra. Bara Ahab ra sturka wih maisa paki si balamna ba ra, witin nahara mai sakras kaka, witin ai ikbia. Man albikam na, wahma wina Dawan ra sibrin lukisna.

2 Kronikas 34:3

Josías mani 8 king aimaki kan, witin ba kau wahma kan ba ra, witin ai almukka Debit Gâdka ba plikan. Bara mani 12 king aimakan ba ra, mahka idan nani ai pura suni pliska nani ba, Aserá lilka nani, aidul nani slilki paskan gâdka nani lilka ba sut slingban.

Smasmalkra 12:1

Man kau wahma bara tiara sma ba yua nani ra, Papaskrikam ra kupiam krauki bas, kau piua saura mai alkras ba ra; mankam nani balbia bara wima: “Baha wal liliaka kumi sin briras kapri.”

Matiu 18:28

“Sakuna wark uplika ba baha wina takan wal baku, ai pana wala kum wal prawan, baha ba ai tahkia kan; baha mita witin ra lalah wiria baman tras kan. Witin mita nana ra alki, mahka patka baiki, win: ‘¡Traski ba aibaps!’

Matiu 20:1

“Gâd king aimaki lâka ba insla dawanka kum baku sa; witinka titan pali taki wan wark tatakra nani ra wark yabaia, ai wainka nasla ra wark takaia.

Matiu 20:13

Sakuna dawanka ba mita baha nani tila wina kumi ra pana win: ‘Upliki, yang bui man ra watawi kumi sin mai munras. ¿Man ba yang wal lâ daukras katma ki yu aiska wark takaia mana ba?

Matiu 20:3

Baha ningkara, titan 9 aklak kli taki wan, bara diara atkaia pliska ra wala nani kaikan, witin nani bahki baman bahara kan.

Matiu 20:9

Bara tutni 5 aklak wark takaia diman nani ba balan, bara kumi bani ai mana brin, yu aiska mana dîa aibapi kan ba.

Matiu 22:19

Lal mana aibapi lalahka kum sal ai mariks. Bara lalah mâ kum sal yaban.

Matiu 9:37

Bara disaipil nani ra win: —Kasak pali, insla dâkaia mâ ba manis sa, sakuna wark uplika nani ba wiria sa.

Mark 12:15

Sakuna Jisas baha nani kuninka ba kaiki kan, bara witin nani ra naku win: —¿Dîa kan man nani traiki kaikisma? Lalah mâ kum sal aik yang kaikaia.

Luk 1:15

Luhpiam waitna ba lika Dawan mawanra tara pali kabia. Witin wain dibia apia, laya saura sâtka kumi sin apia, bara witin kau aisubi takras piua ba wina, Spirit Holikira ni aibanhwan kabia.

Luk 10:35

Yu wala, Sameria waitnika ba mahka waia ra, lalah silin wâl hutil dawanka ra yabi, win: ‘Naha waitnika na main kaiks, bara kau dîa aibapaia kabia ba, yang kli balamna ba ra aibapamna.’

Luk 20:24

—Ai mariks lalah mâ kum. ¿Naha mawan na bara nina sin ulban na, ya dukia? Witin nani pana win: —Sisar dukia.

2 Timoti 3:15

kan tuktan lupia piua wina man ba Ulbanka holikira nani kakaira sma, bara baha nani mita sins maikaia sip sa, bara Kraist Jisas ra kasak lukan lâka bri mita, baha nani sin swaki mai sakaia sip sa.

Param Marikanka 6:6

Bara diara rayakira nani walhwal tila ba wina bîla baikra kum naku aisi kan walri: “Plawar kwart kumi mana ba silin kumi, bara barli mâ kwart yumhpa ba silin kumi; sakuna oliv batana laya bara wain ba sin man bui yarka tiwbiara.”

1 Samuil 2:18

Sakuna wahma Samuil ba prîs prâka pîska linin ni daukan ba dimi, ai kaina kat Dawan dukia dauki kan.

1 Samuil 2:26

Wahma Samuil ba lika ban pâwi kan, bamna upla nani bara Dawan bui sin yamni kaikan.

1 Samuil 3:1

Baha yua nani ra tukta Samuil ba Dawan warkka dauki kan Elí adarka dîa wisa ba kat. Dawan sin baha piua ra pat pat upla ra aisaras kan, diara aihka aihka kaiki ba sin uya marikras kan.

1 Samuil 3:21

Dawan kli witin ra param takan Siló ra, kan bahara sika witin ai bîla aisi Samuil ra param mariki kan;