Matiu 20:19 - DAWAN BÎLA AISKA

¹⁹ Ju apia nani mihta ra mangkbia witin swira daukaia mata, prukbia bara dus prihni ra sabia; sakuna yu yumhpa ra, pruan wina kli bukan kabia.

Matiu 20:19 ပူးပေါင်းရင်းမြစ်များ

Job 30:8

Diara sip daukras uplika, upla kum sin luhpia nani apia, aitani sin apia sa kuntri na ra takaskaia.

Lawana Nani 35:16

Witin nani ai pruki latwan aikan, laiwaska sin kikan, misbara ai kaiki, ai mawan warbi laki ai kaikan.

Aiseya 26:19

Man pruankam nani ba kli raya takbia; pruan nani ba kli raiti wina bubia. Tasba ra yapi nani ba rawi bubia bara aiwani banhbia. Kan man ingnikam blikisma, diara mangkan wahia purara diwas laya buski ba baku, bara tasba ra pruan nani ba kli rawi bubia.

Aiseya 53:3

upla nani witin ra bahki kulki lulki swin, waitna kum ai wîna latwanka uya bri kan, pât wahwaia ba ai natka takan. Witin ra upla kum baku kaikaia uplika apia kan, yawan bui witin ba bahki kulkan, yawan bui witin ba wan tilara kulkras.

Oseas 6:2

Ningkara, siknis âpu wan daukan kabia, yawan na kli wan bukbia, witin ai mawanra raya iwi kaia.

Matiu 12:40

Inska tara biara ra Jona yu yumhpa bara tihmia yumhpa kan ba baku, Upla Luhpia Waitna ba sin yu yumhpa bara tihmia yumhpa tasba biara ra kabia.

Matiu 16:21

Baha piua wina Jisas ai disaipilka nani ra mahka smalkan, witin ba Jerusalem ra waia kabia, bara wihta almuk nani, prîs wihtka nani bara Lâ Smasmalkra nani sut mita munka kasak pât wauhbia. Bara sin win witin ra ikbia, sakuna yu yumhpa ra kli bukan kabia.

Matiu 17:23

bara witin ra ikan kabia, sakuna yu yumhpa ningkara, kli bukan kabia. Naha sturka na disaipil nani walan bara sari pali takan.

Matiu 27:26

Bara Pailat mita Barabas ba pri sakan; ningkara, Jisas ba yan wipan, bara baha nani mihta ra mangkan dus prihni ra sabaia.

Matiu 27:63

bara witin ra naku win: —Wihtki, yang nani kupi krawisna baha kuninkirka ba kau raya kan piua witin aisin, yu yumhpa ningkara pruan wina kli bubia.

Mark 14:65

Bara upla tila nani mahka witin ra yabalaya tuhban, ai mawan praki pruki kan, naku sin witin ra win: —¡Dahra aisi wis, ya mai prukan sapa! Bara tempel ra aihwaki kan nani ba mita ai mawan ra prukan.

Mark 15:1

Bara yu baiwan ra, prîs wihtka nani asla prawan, wihta almuk nani, Lâ Smasmalkra nani, lâ wihtka nani sut ba kira. Bamna witin nani bui Jisas ba priski bri si, Pailat mihta ra mangkan.

Mark 15:15

Bamna Pailat mita upla nani ba wal pain kaia dukiara, Barabas ba pri sakan; bara Jisas lika klala ni wipaia blikan, ningkara yan dus ra sabaia.

Luk 18:32

Ju apia nani mihta ra ai mangkan kabia laiwaska kikaia, bara yabalaya ai tuhbia.

Luk 23:11

Ba ningkara Herod bara ai suldiarka nani aikuki bahki pali kulkata bara witin ra lawaska kikaia wisi, bamna kwala pranakira pali sin dingkan king baku. Ningkara, Herod mita witin ba kli Pailat ra blikan.

Luk 24:46

bara naku sin win: —Baku ulban sa, Misaya ba pruaia kan, bara yu yumhpa kat pruan nani wina kli buaia;

Apastil Nani Sturka 2:23

Blasi piua wina Gâd mita ai Luhpia ba ridi dauki dîa takaia kan ba pain kaiki si, man nani mihtam ra mangkan ba ra, witin ba silak ra mangkram, baha ningkara upla watawikira nani mihta ra mangki bri si dus prihni ra sabi ikram.

Apastil Nani Sturka 21:11

Witin ba yang nani ai kaikaia balan. Bara Pal maisa wila ba brih, ai mina nani bara ai mihta nani sin priski, naku aisin: —Spirit Holikira bila, Jerusalem ra Ju nani naha maisa wila dawanka ra naku priski, Ju apia nani mihta ra mangkan kabia.

Apastil Nani Sturka 4:27

“Kasak, naha tawanka ra sika, Herod bara Pontius Pailat wal bara Ju apia nani ba sin, bara Israel luhpia nani aikuki asla aidruban, man nampakan holikira Jisas ba mapara, witin ba man mita Kraist mangkram ba.