2 bara makabi walan: —¿Anira sa Ju nani kingka aisubi takan ba? Yang nani ai slilmika laih lalma ra kaikri, bara nahara balri witin ra luli kriki mayunaia.
Dawan kasak aisisa: “Piua kum balbia bara baha yua yang daukamna witin pali ai kiamka bribia, king kum sins bri lâka ni kasakka lâka ba dauki, wapni lâka ba dauki king aimakbia naha kuntrika ra.
Naika diara takaia ba kaikisna, diara kaikisna, sakuna kau laihura pali sa: Jekob wina takaia slilma kum lakwisa, Israel luhpia nani tilara king kum aula. Moab lal ba dakbia, Set kiamka nani ba sut ai mina ra taibia.
“Man nani Saion tawanka ra wis: ‘Kaiks, Kingkam ba man ra aula, bawikira pali, biriku kum purara uli, biriku luhpia sin, baha ba wark daiwra luhpia kum.’ ”
Jisas ba wihta tara mawanra brih wan kata, bara baha mita witin ra makabi walan: —¿Man ba Ju nani kingka sma ki? Jisas bila: —Baku sa, man aisaram ba kat.
Bamna dus wahia nani klaki brih taki wan Jisas wal prawaia, naku sin witin nani wini kata: —¡Mayunra! ¡Yamni pali sa, witinka Dawan nina brih aula ba, yamni pali sa Israel Kingka ba!
Bara Pailat pana win: —¿Baku bamna, man ba king kum sma ki? Jisas pana win: —Âu, yang na king sna, man aisaram ba baku. Yang aisubi taki, naha tasba ra balri diara kasak ba upla nani ra wiaia. Bamna baha nani sut kasakka lâka ra nani ba, yang dîa aisisna ba aman walisa.
Baku mika, upla sut mita Aisa ra mayunra yabi ba baku, Luhpia ra sin mayunbia. Ya luhpia ra mayunras ba, Aisa ra sin mayunras sa, witinka bui sika ai Luhpia blikan ba.
Sakuna Gâd mita ai Luhpia kumi baman ba naha tasba ra mahka blikuya kan ba ra, witin naku aisan: “Gâd insalka nani sut ba, witin ai pura suni mayuni banhwaia sa.”
“Yang Jisas, insalki blikri sa, serts nani ra naha sut param saki wiaia. Yang sika king Debit plamaika bara kiamka ba; yang sika titan slilmika ingnikira ba.”