Matiu 19:9 - DAWAN BÎLA AISKA

⁹ Yang bui man nani ra mai wisna, ya ya ai maya mairin ra swiaia ba, mairka ba rug lâka daukras kan kaka, bara waitna ba mairin wala wal marit takbia kaka, witin marit lâka sauhkisa.

Matiu 19:9 ပူးပေါင်းရင်းမြစ်များ

Blasi Sturka 20:3

Sakuna baha tihmika ra Abimélec yaprisauhkan ra kaikan witin ra Gâd balan, bara witin ra win: “Man upla maya brisma, bamna man pruaia sma.”

2 Kronikas 21:11

Witin sin aidul nani ra mayunaia pliska nani paskan Juda untika nani tilara, bara witin bui munan Jerusalem uplika nani Dawan wina laihura takan bara Juda ai yabalka wina tnaya ra tawan.

Jirimaya 3:1

Dawan aisisa: “Waitna kum ai maya swibia bara mairka ba witin swi si, waitna wala ai maya bribia, bara witin ra swin waitnika ba kli bal mairka ba bribia apia. ¡Baku daukbia kaka naha kuntrika ra lâ krikanka tara takbia! Ban sakuna, Israel, man, liliam nani ailal wal ur takram, ¡bara nanara lika kli yang ra tawi balaia lukisma! Yang, Dawan, kasak aisisna.

Jirimaya 3:8

baku sin witin kaikan Israel maipara babura takan lâika sauhkan bara lulki swisatna ba, yang wal mayi lâika ba krikan tâwan dakwi takri. Sakuna Juda, Israel muihnika mairin rugkira ba, sibrin daukras kan, witin sin wan bara ur takan.

Isikiel 16:15

‘Kuna pramna ra baman kasak lukram, bara kulkankam ra luki, yabal mairka takatma; wînam tara ba ya ya bal lui nani ba ra yabi kapram.

Isikiel 16:29

Bara ban dauki kapram, Babilon nani wal ur lâka ra waram, diara âiatkra nani tasbaya ra; bara baha sut wal sin âmyapah takras katma.

Isikiel 16:8

‘Aima wala lamak luri, bara mai kaikri; pat latwan lâka kaikaia piua katma. Yang kwailka ni mai blakatna, bara kwala luha katma ba mai bikri, bara yang pramis takri man ra; man wal lâ daukri, bara man lika yang duki takram. Yang, Dawan, kasak aisisna.

Matiu 19:10

Bara ai disaipilka nani bui witin ra win: —Waitna ai maya wal tânka ba baku sa kaka, kau pain sa marit takaia apia.

Matiu 19:8

Jisas bila: —Baha ba man nani kupiam karnika ba mita Moses lâ maikan mayam mahka swiaia; sakuna blasi pali lika baku apia kan.

Matiu 5:32

Sakuna, nanara yang mai wisna: Waitna kum ai maya swisa rug lâka daukras kan sakuna, waitnika ba mairin ba marit lâka sauhkisa; bara ya ya mairin swin ba bribia ba, witin sin marit lâka sauhkisa.

Luk 16:18

“Ya ai maya mairin ra mahka swisa ba, mairin wala wal marit takbia kaka, witin lika marit lâka sauhkisa; bara ya sin maya waitna mita swisa mairka kum wal marit takbia kaka, witin sin marit lâka sauhkisa.

1 Korint 5:1

Bara nanara sturkam takan sa, man nani tilamra waitna kum bâra sa, witin ba ai aisika maya pali wal brisa. Naha lika rug lâka tara pali sa, bara nahmuna lâka na Gâd ra kakaira apia nani tilara sin yan sip daukras sa.

1 Korint 7:39

Marit takan mairka ba kau ai maya waitna ba raya piua ra, witin lika pri apia sa; sakuna ai maya waitna ba prubia kaka, witin ani waitnika ra want ba wal marit takaia pri; sakuna waitna ba lalukra kaia sa.

1 Korint 7:4

Maya mairin ba ai wîna tara dawanka apia, sakuna baha ba ai maya waitna dukia sa. Bara baku sin, maya waitna ba ai wîna dawanka takras, sakuna baha ba ai maya mairin dukia sa.