Matiu 19:6 - DAWAN BÎLA AISKA

⁶ Baku bamna, yakan apia sa, sakuna wal ai wîna kumi takan sa. Baha mita, Gâd mita asla prakan ba, upla mita dakbi sakaia apia sa.

Matiu 19:6 ပူးပေါင်းရင်းမြစ်များ

Sins Lâka 2:17

Lulki swisa kau tiara kan piua ra ai uplika aihwa pali kan ba. Bara ai âuya lap tikisa, Gâd ra ai pramiska ba.

Malaquía 2:14

¿Man nani tânkam brisma, sakuna ban makabi walisma? Kan Dawan kaikisa man kau wahma katma ba ra, baha mairka wal lâ dauki mayam briram bara kunin munram, ¡witin sika man mayam pali kata, man bui witin wal kli swiaia apia wiram ba!

Malaquía 2:16

Israel Dawan Gâdka karnika sut bri ba aisisa: “¡Bamna man nani lukankam pali wina aman damra wali kaiks, pana pana kunin munpara; man mayam wal dakwi takisma tâskika watawika ba yang misbara kaikisna!”

Matiu 19:5

Jisas naku sin wisata: ‘Baha mita waitna ba ai aisika bara ai yaptika wal swibia, bara ai maya wal asla takbia, bamna wâl ba ai wîna kumi baku takbia.’

Matiu 19:7

Bara parisika nani makabi walan: —¿Dîa kan Moses lâ yaban waitna ai maya ra swiaia wauhkataya ulbi yabi bara swiaia?

Mark 10:9

Baha mita Gâd mita asla prakan ba, upla mita dakbi sakaia sip apia pali sa.

Roman 7:2

Naha tânka na wal sip sa prakaia: mairin kum waitna kum wal marit takan ba, witin ai maya waitna ba raya piua baman lâ ba mita asla kaia wal prakan sa; sakuna maya waitna ba prubia kaka, mairin ba lâ ba mita ai maya waitna wal asla prakan kata ba wina pri takan sa.

Epesus 5:28

Bamna maya waitna ai maya mairin ra baku latwan kaikaia sa, sim ai wîna latwan kaiki ba baku. Ya ai maya mairin ra latwan kaikisa kaka, witin ai wîna latwan kaikisa.

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.