Matiu 19:16 - DAWAN BÎLA AISKA

¹⁶ Wahma kum Jisas ra balan, bara makabi walan: —Smasmalkra, ¿raya ban kaia ba briaia dîa dukia yamni daukaia sna ki?

Matiu 19:16 ပူးပေါင်းရင်းမြစ်များ

Daniel 12:2

Raiti ra yapi banhwi ba ailal pali kli buan kabia: manis raya ban kaia lâka ba bribia, bara wala nani ra lika swira lâka bara pât ban kaia ra takbia.

Matiu 19:15

Bara ai mihta nani tuktika nani ra kahban, bara ningkara baha wina mahka wan.

Matiu 19:26

Jisas witin nani ra kaiki si, win: —Upla nani naha na daukaia sip apia sa, sakuna Gâd lika diara sut daukaia sip sa.

Matiu 19:29

Bara ya ya ai watla nani, ai muihni nani, ai lakra nani, ai aisa, ai yapti, ai maya mairin, ai luhpia nani, ai tasbaya nani sut yang tâiwan swin nani ba, 100 prais kau bribia bara raya ban kaia ba sin witin nani dukia kabia.

Matiu 25:46

Bamna naha nani na ban kaia ra pât wahwanka ra wabia, sakuna kasakkira nani ba lika raya ban kaia ra wabia.”

Jan 10:28

Yang baha nani ra raya ban kaia lâka ba yabisni, bamna witin nani sin prubia apia ban kaia ra raya kabia, baku bamna upla kumi sin âpu sa baha nani ba mihti wina dakbi briaia.

Jan 12:25

Ani uplika ai rayaka ra latwan kaiki ba lika witin tikbia; sakuna naha tasba ra ani uplika ai rayaka bahki kulkbia kaka, witin lika ban kaia ra swaki sâkbia.

Jan 3:15

Bamna witin ra kasak lukbia ba sut, raya ban kaia lâka ba bri kabia.

Jan 4:14

sakuna yaura yang mita lî yarka dibia ba, kli din daukbia apia. Kan yang lî diaia yamna ba, witin wina lî aubi kabia raya ban kaia ra.

Jan 5:39

Man nani naha Ulbanka nani na, aman kaiki tânka laki kaikma kaka, baha ba wina raya ban kaia ba briaia lukma; ban sakuna, Ulbanka nani na sika, yang dukira aisisa,

Jan 6:47

Yang kasak pali mai wisni, ya yang ra kasak luki ba, raya ban kaia lâka ba brisa.

Jan 6:68

Sakuna Saiman Pita mita pana win: —Dawan, ¿yaura yang nani wamna ki? Man bîlam nani ba lika raya ban kaia bîla nani sa.

Apastil Nani Sturka 16:30

Ningkara, Pal bara Silas wal ba silak wina saki, makabi walan: —Mâsa nani, ¿yang dîa daukamna bara ai swaki ai sakan kabia ki?

Roman 2:7

Gâd mita raya ban kaia lâka yabia, ani uplika nani wark painkira daukisa, bara mayunra, pain kulkan lâka wal pliki ba;

Roman 5:21

Naha na baku takan, saurka ba prura bri balaia karnika bri kan ba baku, Gâd kupia yamnika ba mita yawan na Gâd mawanra kasakkira wan kulkaia karnika bri kaia bara raya ban kaia lâka ba wankaia, wan Dawan Jisas Kraist bâk.

1 Timoti 1:16

Baha mita sika Gâd bui yang ra umpira ai kaikan ba, Jisas Kraist yang ra ai marikbia wisi ai kupia alki takaski lâka aiska ba daukan. Naku sika yang na, witin ra kasak luki raya ban kaia briaia uplika nani ba dukiara, tâinka ni baha nani ra marikri, yang daukri baku dauki banhbia dukiara.

1 Timoti 6:12

Kasak lukan lâka aiklabanka yamni ba aiklabi bas, bara raya ban kaia lâka ba man dukiam brima; kan baha dukiara sika Gâd mai paiwan ba, man ba kasak lukan lâka tânka yamni ba witnis ailal mawanra latan aisaram.

1 Timoti 6:19

Baku lika witin nani ai kaina dukiara yuya nani suni bri kabia, sim walpa bapan kum baku. Bara witin nani sip kabia raya ban kaia bara kasakkira ba win takaia.

Taitus 1:2

bara raya ban kaia lâka yawan wan kainara briaia bîla kaiki ba sin tânka bribia. Gâd, witin kunin aisaras ba mita, naha rayaka na pramis wan munan, kau tasba na tâ krikras kaina wina;

Taitus 3:7

bara baku mika ai kupia yamnika ba mita, yawan na kasakkira wan kulkbia; bara baku sin raya ban kaia lâka wan kainara briaia ba, yawan bribia mata.

1 Jan 1:2

Naha Rayaka na latan takan bara yang nani kaikri, witniska sin aisari. Man nani ra yang nani mai smalkisna naha raya ban kaia lâka na dukiara, witinka Aisa wal kan bara yawan ra param takan ba tânka nani.

1 Jan 2:25

Bara Jisas Kraist mita pramis wan munan sa raya ban kaia lâka ba wankaia.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.

Judas 1:21

Gâd latwanka lâka ra ban bas, bara bîla kaiki bas wan Dawan Jisas Kraist mita ai kupia pihni lâka ra, raya ban kaia lâka ba wankbia.