Matiu 18:27 - DAWAN BÎLA AISKA

²⁷ King ba witin ra umpira kaikan, bara traska ba sut ban swin tiwan, pri sin sakan.

Matiu 18:27 ပူးပေါင်းရင်းမြစ်များ

Nihimaya 9:17

Witin nani baha walaia ai brinka apia kan, purkara sin man bui diara aihkakira bara tara witin nani ai hilpka ra daukram ba ai kupia krawras kan, ai kiamapara lâka ra, ai tâ brabrira kum mangkan bara kli alba lâka ra Idsip ra brih wan. Ban sakuna, man sika Dawan, upla pâtka swih tatikra Gâdka, kupiam swapni, umpira kaikan lâka brisma, pat pali kupiam baiwras, bara latwan kaiki bara umpira kaikan lâka sin manis pali brisma, ba mita lulki swiras kapram.

Lawana Nani 145:8

Dawan ba kupia yamni sa, bara latwan kaikisa, witin sin wihka bîla kaikisa, bara latwan lâka sut brisa.

Lawana Nani 78:38

Sakuna Gâd ai kupia swapni bri kan, watawi daukan saurka ba ban swih tikan bara sauhki tikras kata; aima ailal ai kupia sauhkanka ba kli swin, bara ai lawanka tara ba mita yaban bri waras kata.

Lawana Nani 86:15

Sakuna, man Dawan, latwankam swapni brisma ba wihka bîla kaikisma, lamtwanka lâka bara kasakkam lâka ba wal.

Lawana Nani 86:5

Dawan, man yamni sma, wan pâtka nani swih tikisma; man ra ai pura suni nani ba sut ra, latwan kaikisma.

Oseas 11:8

“Efraín, ¿yang nahki man mai swimna ki? Israel, ¿yang nahki man mai lulki mai swimna ki? ¿Adma tawanka tara sauhkri ba baku, mai sauhkamna ki, apia kaka Seboím ra daukri ba baku, mai munamna ki? ¡Yang kupi na wirha pali takisa, latwan pali mai kaikisna ba mita!

Matiu 18:28

“Sakuna wark uplika ba baha wina takan wal baku, ai pana wala kum wal prawan, baha ba ai tahkia kan; baha mita witin ra lalah wiria baman tras kan. Witin mita nana ra alki, mahka patka baiki, win: ‘¡Traski ba aibaps!’

Matiu 18:32

Bamna king ba mita wark uplika ba paiwan balan, bara naku win: ‘¡Wark uplika saurkira! Yang traskam ba sut swih tikri, baku makabram bamna.

Luk 7:42

Baha nani sip aibapras kan bamna, lalah lin mamunra ba mita wâlsut traska ba ban swin tiwan. Nanara ai wis, ¿baha wâl ba wina ani ba kau witin ra latwan kaikbia ki?

Luk 7:43

Saiman pana win: —Yang lukisna baha traska kau tara kan swin tiwan yaba. Jisas bila: —Man kasak aisaram.

Wihta Nani 10:16

Bara witin nani idan gâdka bahki nani ba mahka ai tila wina slingbi saki si Dawan ra mayunan, bara Israel luhpia nani pât wahwi ba kaiki, bara Dawan kau ban sip ai kupia karna daukras kan.