Matiu 18:22 - DAWAN BÎLA AISKA

²² Jisas witin ra win: —Yang aima 7 lika mai wiras, sakuna 70 aima 7 prais kat.

Matiu 18:22 ပူးပေါင်းရင်းမြစ်များ

Blasi Sturka 4:24

Bamna Ken tâwan aima 7 pana munaia kan ba, kasak pali, ya Lámec ra ikbia ba lika kau aima 77 taim pana tawi munbia.”

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Miqueas 7:19

Man bui yang nani ra kli umpira ai kaiki kama, saurki nani daukri ba, tasba ra minam ni taibi bikma, bara yang nani watawi daukri ba sut, man mita kabu tihuka ra rungki tikma.

Matiu 18:23

“Baha mita, Gâd king aimaki lâka ba sin king kum ai warkka uplika nani wal ai traska nani kulki kaikan ba baku sa.

Mark 11:25

Bara man nani puram sunisma ba ra, upla kum mapara diara brisma kaka, witin ra pâtka ban swih tiks, bara Aisikam kasbrika purara ba sin man nani saurkam nani swih tikbia.

Roman 12:21

Bamna saurka ba mita yarka puram lubiara. Sakuna, yamni lâka ba ni saurka ba pura lus.

Epesus 4:26

Ban kra kupiam baiwbia kaka, kuna saura lika daukpara; bara kupiam baiwanka ra yu dimpara.

Epesus 4:31

Kupiam tahplika nani sut ba mahka swis, brinka saura nani, kupiam baiwanka nani, bara upla ra pura wini swira daukaia lâka nani, bara diara saura bani sut ba mahka swis.

Kolosi 3:13

Kumi wala mapara kupiam alki takaski pana pana swakwankam ba swih tiki bas, upla kumi ai walka mapara diara brisa kaka, Dawan mita pâtkam swih tikan ba baku, man nani sin pana pana baku dauki bas.

1 Timoti 2:8

Baku bamna, yang want sna waitna nani ba plis sut ra ai pura suni kabia, bara ai kupia sunu brih ai mihta nani purara buki kabia, lawan âpu bara unsaban sin âpu.