Matiu 18:15 - DAWAN BÎLA AISKA

¹⁵ “Muihkam mita mampara saura yabia kaka, wal mânkam aisi, ai saurka ba latan mariks. Bîlam walbia kaka, muihkam ba pat kupia alkram sa.

Matiu 18:15 ပူးပေါင်းရင်းမြစ်များ

Lawana Nani 141:5

Upla kasakkira klala aikbia kaka, kupia pihni lâka kabia, bara lawi ai daukbia kaka sin isint kîa kum baku kabia. Baha sut bahki lulki swimna apia; yang ra ai prukbia sin ban puri suni kamna.

Sins Lâka 11:30

Kasakka lâka ba rayaka yabisa, karnika ni sauhki tiki ba lika rayaka sakisa.

Libait Lâka 19:17

“Muihkam mapara kupiam ra saura luki kapara. “Lawi dauks uplikam ra, lawi daukaia aitani sa kaka. Sakuna witin saura dauki ba tilara kapara.

Matiu 18:14

Baku sin, man nani kasbrika purara ba, naha sirpiki nani kumi sin tiwbia ba want apia sa.

Matiu 18:21

Bara Pita wih, Jisas ra makabi walan: —Dawan, ¿aima an muihki mita maipara saura daukbia kaka, yang mita ban swih tikaia sna? ¿Aima 7 kat?

Matiu 18:35

Bara Jisas naku aisi tnata alkan: —Baku sin Aisiki kasbrika purara ba man nani ra mai munbia, kumi bani muihkam ra kupiam aiska ni traska ban swih tikras sma kaka.

Roman 12:21

Bamna saurka ba mita yarka puram lubiara. Sakuna, yamni lâka ba ni saurka ba pura lus.

1 Korint 8:12

Baku bamna, wan muihni nani ai kasak lukan lâka mapa ra swapni banhwi ba kupia dara walra sauhkisma kaka, man nani ba Kraist pali mapara saura daukisma.

2 Korint 7:12

Baku bamna, baha wauhkataya ulbatna ba lika, saura daukan uplika ba dukiara baman, apia kaka klala brin uplika ba dukiara baman luki lika apia, sakuna man nani mita tânka brima, Gâd mawanra yang nani dukira kupiam nani trabilka nani brisma ba dukiara.

Galesha 6:1

Muihki nani, upla kum saurka ra kauhan sa kaka, man nani spiritkira nani sma ba mita saura ba wapni dauks. Sakuna latwan lâka ra daukaia sa; bara kumi bani sin aman kaiki kaia sa, witin pali ra sin traika kaikan kabiara sîa.

Kolosi 3:13

Kumi wala mapara kupiam alki takaski pana pana swakwankam ba swih tiki bas, upla kumi ai walka mapara diara brisa kaka, Dawan mita pâtkam swih tikan ba baku, man nani sin pana pana baku dauki bas.

1 Tesalonaika 4:6

Upla kumi mita sin naha bisniska dukiara ai muihni ra kunin muni tâski lâka daukbiara. Naha dukia na kaina manis wina latan mai wi banhri: Ani uplika nahmuna swakwanka nani daukbia kaka, Dawan mita witin ra klala yabia.

2 Tesalonaika 3:15

Bara witinka ba, waihlam baku kulkpara, sakuna muihkam baku lâ yabi bas.

Taitus 3:10

Upla kum mita serts ra dakwi takan lâka daukisa kaka, witin ba aima kumi, apia kaka aima wâl kupia krauks, bara bîlam walras sa kaka, kangbi sâks;

1 Pita 3:1

Baku sin, man nani maya mairin nani, mayam waitna nani ra bawi bas, bara baku mika witin nani tila wina kum kum kra, Gâd bîla ba ra kasak lukras kaka, ai maya mairin nani tânka pain ba mita, witin nani kupia alkan kabia. Man nani ba bîla kum pan aisaia sin apia sma,