Matiu 17:5 - DAWAN BÎLA AISKA

⁵ Kau Pita aisi kan ba ra, kasbrika ingni kum witin nani ra madiskan; bara kasbrika ba wina bîla baikra kum aisin, naku walata: “Naha sika Luhpi laitwankira. Witin sika yang bâk saki briri ba. Man nani bui witin ra wals.”

Matiu 17:5 ပူးပေါင်းရင်းမြစ်များ

Job 38:1

Bamna Dawan mita Job ra aisin, pâsa karna kum krawi ba bâk, bara naku win:

Lawana Nani 81:7

Trabilkam ba wina ai winram, bara swaki mai sakri; kasbrika ringbi ba tila wina unam kahbatni; Meribá awalka lamara traikam kaikatni.

Impakan Sturka 19:19

Trumpit binka ba sin aima bani kau karna, kau karna taki kan; Moses bui Dawan ra aisi ba ra, Gâd bîla baikra ba pana Moses ra aisi kan ba alwani binka baku karna kan.

Aiseya 42:1

“Nâra kaiks yang duki dadaukra ba, yang bui witin ba alki brisna, bâk sakri ba, witin ra yang sulki ba âiyapah sa. Spiritki ba yang bui witin ai purara mangkri; witin mita kasakka lâka ba nisan nani ra bri balaia.

Aiseya 42:21

Dawan ba, Gâd kum upla swaki saki ba, witin smalki tânka ba, param mayunra tara daukaia want sa;

Matiu 12:18

“Naha sika yang duki dadaukra bâk sakri ba, witin ra latwan kaikisna, bara witin dukiara sin lilia sna. Spiritki ba witin purara mangkamna, bara witin kuntri nani sut ra lâika tânka kasak ba aisabia.

Matiu 17:6

Disaipil nani baha walan ba ra, tasba kat ai mawan ra kauhan bara sibrin sin takan.

Matiu 3:17

Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”

Mark 1:11

Bîla baikra kum sin kasbrika pura ba wina naku wisata: “Man ba yang Luhpi laitwankira sma; man ba bâk saki mai briri.”

Mark 9:7

Bara witin nani purara kasbrika kum bal madiskan. Kasbrika ba wina sin bîla baikra kum walan, naku aisin: “Naha sika Luhpi laitwankira; man nani bui witin ra wals.”

Luk 3:22

bara Spirit Holikira ba latan kaikan butku baku witin purara bal iwan, bara bîla baikra kum kasbrika pura ba wina takan, naku win: —Man ba yang Luhpi laitwankira sma, bâk mai saki mai briri.

Jan 3:16

“Bamna Gâd tasba ra uya latwan kaikan, bara witin mita ai Luhpia kumi baman bri kan ba yan; bara baku mika ani uplika witin ra kasak lukbia ba, sut pali tanis tiwbia apia, sakuna raya ban kaia lâka ba bribia.

Jan 3:35

Aisa ba ai Luhpia ra latwan kaikisa, bara witin mihta ra diara sut mangkan sa.

Jan 5:37

Aisa ai blikan ba mita sin, yang dukira witniski aisisa; aima kumi sin man nani mita ai bîla baikra walras bara namkra ni sin kaikras.

Apastil Nani Sturka 1:9

Diara nani aisaia bri kan ba sut aisan ba ra, apastil nani mawan wina Jisas ba mahka kasbrika purara uli wan; kasbrika kum bâk brih dimi tiwan, bara witin nani bui Jisas ba kli sip kaikras kata.

Apastil Nani Sturka 7:37

Naha sim Moseska sika Israel luhpia nani ra naku wisata ba: ‘Gâd mita prapit kum mai blîkbia, man nani muihkam nani tila wina, sim yang ai blikan baku. Man nani bui witin bîla wali bas.’

Epesus 1:6

Baha mita yawan piua bani Gâd ra mayunisa ai latwanka tara ba dukiara, baha sim latwanka ni yamni wan munan sa, yawan ai Luhpia latwan pali wal asla sa bamna.

Kli Smalkanka 18:15

“Dawan Gâdkam mita prapit kum yang baku man nani tilam wina maikbia, bara man nani lika witin ra bîla walma.

Kli Smalkanka 18:19

Bara ani uplika naha prapitka yang nini ra aisabia ba walras kaka, pâtka ba yang bui witin ra kahbamna.

Kli Smalkanka 5:22

“Naha bîla nani sika Dawan ai bîla baikra tara ni aisin pauta klauhan lilapas wina, mukus tila wina, upla sut il playa munhtara banhwi kan piua ra. Ningkara baha wina kau sturi aisaras, bara naha bîla nani walpa tanta wâl ra ulbi aikan.

Kolosi 1:13

Gâd mita tihmia karnika wina dakbi wan saki, ai Luhpia latwankira king aimaki ba pliska ra wan mangkan,

Hibru Nani 5:9

Witinka ra aiska aihwa daukan kan ba ra, witin ba ban kaia ra swaki sakan lâka kârma laya takan, ai bîla wali dauki nani sut dukiara;

Param Marikanka 1:7

¡Kraist ba kasbrika nani tilara balbia! Upla sut mita witin ba kaikbia, ai wîna tara dus prihni ra saban uplika nani sin. Tasba aiska uplika nani witin kaiki sari bri inbia. Âu, baku kabia.

Param Marikanka 14:14

Bara yang kaikri, bamna kasbrika pihni kum bâra kan; bara kasbrika ba purara upla baku kum iwi kan. Witin ai lal purara gul kraunka kum bri kan, bara ai mihta ra lika ispara mala pali kum bri kan.