Matiu 17:27 - DAWAN BÎLA AISKA

²⁷ Sakuna yawan upla kumi ra sin kupia sauhkaia want apia, baku bamna, man lakun ra was, kiulh ba lulki, bara pas inska pibia ba bris. Baha inskika bîla ra lalah mâ kum sâkma, bara baha ba aitani kabia tempel lal mana yang aibapaia sna ba bara man mamna sin; bri si baha nani ra aibaps.

Matiu 17:27 ပူးပေါင်းရင်းမြစ်များ

Blasi Sturka 1:28

bara Gâd bui witin nani ra ai yamnika yabi, win: “Man nani luhpa ailal, ailal sahwi, bara tasba ba banhki dauki, witin nani purara karnika alks; tasba na banhki dauki, baha nani tâura aimaki bas; inska nani bara tnawira nani ba, bara daiwan nani tasba purara raswi tauki nani ba sin karnikam mununhtara taibi bri bas.”

1 King Nani 17:4

Baha wina lî di kama, bara yang bui kuskuspiram nani blikrika bahara plun mai dakaki kabia.”

Lawana Nani 8:8

tnawira nani kasbrika ra pâli ba purara mangkram, inska nani kabu ra takaski ba purara, ¡dîa kabu bilara banhwi ba sut purara sin!

Jona 1:17

Witin nani baha dauki kan ba ra, inska tarka tara kum Dawan mita blikan Jona langkaia. Bamna tihmia yumhpa bara kakna yumhpa, Jona ba inska tara ba klungka ra kan.

Jona 2:10

Bara Dawan mita ban baku daukan, inska tara ba Jona bri si ai bîlak aikabi sakaia kabu un ra.

Matiu 17:26

Pita mita pana wisata: —Tringsar nani wina. Bara Jisas mita win: —Ban kaka, ai uplika nani lika aibapaia apia sa.

Matiu 18:6

“Ya ya naha tuktika lupia nani yang ra luki na yarka saura lâka ra kauhbia kaka, kau pain kabia ai nana ra akbaia walpaya kum wilki, kabu tihuka ra lulkka dimi wabia.

Matiu 18:8

“Baha mita mihtam, apia kaka minam kra mita maikan saura lâka ra kauhisma kaka, klaki dakbi bara laihura lulks; kan kau pain sa raya kaia ra mihtam âpu, apia kaka minam âpu wih dimma, sakuna ban kaia pata klauhan ra mihtam wâl bara minam wâl brih mai lulkka lika apia.

Matiu 5:29

“Bamna, namkra aihkika ba bui saura ra mai batakisa kaka, daiki muni laihura lulks; kan kau aitani sa wînam tara tâka kum ban tiwbia, bara wînam aiska hil pauta ra mai lulkan kaia lika apia.

Matiu 5:30

Mihtam aihkika ba saura ra mai batakisa kaka, klaki laihura lulks; kan kau aitani sa wînam tara tâka kumi baman tiwbia, kuna wînam tara aiska hil pauta ra mai lulkan kaia lika apia.

Mark 9:42

“Bamna ani uplika, naha tuktika lupia yang ra luki nani na saura lâka ra batakbia kaka, kau pain kabia witin ai nana ra walpa tara kum wilki, kabu ra lulkka dimi wabia.

Mark 9:43

Bara mihtam ba mita saura ra mai batakisa kaka, kau yamni sa klaki dakma; kan kau aitani sa raya kaia ra mihtam kumi baman brih dimaia, bara mihtam wâl brih hil pauta ra waia apia. Bahara sika pauta ami ban kabia.

Luk 17:2

Kau pain kabia, baha uplika nana ra walpa tara kum wilki kabu ra lulkan kabia, naha sirpika lupia nani kum ra yarka saura daukaia ba wal.

Jan 6:61

Bamna Jisas kaikan naha dukiara ai disaipilka nani ba rangbi aisi kan, bamna makabi walan: —¿Naha na minam batakisa ki?

Roman 14:21

Bamna pain sa yawan wîna piaia apia, wain sin diaia apia, bara wan muihni mina prukaia dukia kumi sin daukaia apia sa.

1 Korint 8:13

Baha mita, yang plun pisna ba mita muihki ra saura daukisa kaka, yang kli pali wîna pimna apia, muihki ba saura lâka ra batakaia apia dukiara.

1 Korint 8:9

Sakuna, aman kaiki bas, baha pri lâka bri banhwisma ba mita, yarka witinka nani ai kasak lukan lâka mapa ra swapni ba saura lâka ra batakbiara.

2 Korint 6:3

Yang nani mita kupia turbanka lâka upla kumi ra sin munras, baku mika upla kumi mita yang nani warkki ba dukiara saura sip aisaras.

2 Korint 8:9

Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.

1 Tesalonaika 5:22

Man nani saurka sât sât wina tnaya ra taki banhs.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.