Matiu 15:4 - DAWAN BÎLA AISKA

⁴ Kan Gâd pali naku win: ‘Aisikam, yaptikam wal kulks’, bamna ‘Ya mita ai aisika ra bara ai yaptika ra lahtubia kaka, mahka prubia.’

Matiu 15:4 ပူးပေါင်းရင်းမြစ်များ

Impakan Sturka 20:12

“Man aisikam bara man yaptikam sin pain kulki bas, baku man piuam yari bri kama, Dawan Gâdkam wina maikan ba tasbaya ra.

Impakan Sturka 21:17

“Ani uplika bui ai aisika ra bara ai yaptika ra sin saura wibia kaka, witin ba pât ra laki ikan kaia sa.

Sins Lâka 20:20

Ya ai papika ra bara ai yapti ra lahtubi aisi ba, ai lampka ba daskan bara tihmia tara ra prubia.

Sins Lâka 23:22

Man aisikam pali ra pain wals, witin mai baikan ba; bara yaptikam almuk takbia ra bahki kulkpara.

Sins Lâka 30:17

Ya ai aisika bahki kaiki ba bara ai yaptika almuk takan ba lawaska kiki ba, aitani sa kuskuspiram mita nakra nani ba daiki sakaia, bara yakal nani mita pibia.

Aiseya 8:20

dîa daukaia bara dîa aisaia bîla kum wan wibia ba walaia?” Âu, witin nani baku aisabia sika, sakuna tanis lâka kabia.

Libait Lâka 19:3

“Man nani kumi bani papikam bara yaptikam pain kulki kama, “Ris briaia yui nani ba sin kulki kama. Yang sika man nani Dawan Gâdkam.

Libait Lâka 20:9

“Ya ya ai papika ra bara ai yaptika ra bîla saura wibia ba, ikaia lâka ra lakan kabia. Witin yakan ai pâtka ba twilkbia.

Matiu 15:3

Sakuna Jisas mita makabi walan: —¿Bamna man nani dîa kan Gâd lâka bîla ba lulki si, man lâmka nani ni nina blikisma?

Matiu 15:5

Sakuna man nani aisisma upla kum mita sip sa ai aisika ra bara ai yaptika ra naku wiaia: ‘Yang sip hilp mai munras, diara brisna ba sut Gâd ra yabri bamna’;

Matiu 19:19

aisikam bara yaptikam wal kulks; bara man wînam ra latwan kaikisma ba baku, uplikam ra sin latwan kaiks.’

Matiu 4:10

Bara Jisas bila: —Sitan, na wina taki was, kan Ulbanka ra wisa: ‘Man Dawan Gâdkam ra lulam kriki puram suni mayunma, bara witin dukia baman sin daukma.’

Roman 3:31

Bamna, ¿naha kasak lukanka lâka na mita yawan lâ ba bahki sakisa ki? ¡Sip apia pali! Sakuna, yawan mita lâ ba kau karna sakisa.

Epesus 6:1

Tuktan nani, man nani aisikam bara yaptikam wal bîla wali daukaia sma, Dawan latwanka lâka ba mita.

Kli Smalkanka 27:16

‘Ya ai papika ra, apia kaka ai yapti ra kulkras kabia kaka, lahtuban kabia.’ Bara upla sut bui wibia: ‘Baku kabia.’

Kli Smalkanka 5:16

‘Man aisikam bara man yaptikam sin pain kulki bas, Dawan Gâdkam adarka mai win ba baku. Baku man piuam yari bri kama, bara diara sut man ra yamni takbia Dawan Gâdkam wina maikuya ba tasbaya ra.