Matiu 15:31 - DAWAN BÎLA AISKA

³¹ Upla sut tâ iwan, kan bîlas nani sturi aisi kan, mihtas nani bara klahklas nani ba rawan kan, mina skahwa nani ba wapi kan, bara blain nani diara kaiki kan. Upla sut mita Israel Gâdka ra mahka mayunan.

Matiu 15:31 ပူးပေါင်းရင်းမြစ်များ

Blasi Sturka 32:28

—Ninam Jekob ba, ban baku mâki kabia apia. Nanara wina man ninam ba Israel mâkan kabia, kan Gâd wal bara upla wal sin aitwaki man ban pura luram bamna.

Blasi Sturka 33:20

Baha ningkara witin bahara altar kum sin paskan, altarka nina ba “Gâd ba Israel Gâdka” mâkan.

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Lawana Nani 50:23

Ani uplika ai tingkika lâka dauki aiki ba, kulkanka lâka aikisa. ¡Bamna yang bui baha nani yabalki ra watauki nani ba swaki sakisna!”

Impakan Sturka 24:10

Bahara witin nani Israel Gâdka ba kaikan, bara ai mina tani ra diara ingni kum bûi kan, sapair walpaya ni paski palkan baku kan, bara ingni kan kasbrika ingnika baku.

Matiu 15:30

Upla ailal witin ra balan ai sikniskirka nani brih, mina skahwa nani, kaikras nani, bîlas nani, mihta bara klahkla skahwa nani, bara siknis wala bri nani sin. Baha nani Jisas mina ra mangkan ba ra, witin mita sut ra rakan.

Matiu 18:8

“Baha mita mihtam, apia kaka minam kra mita maikan saura lâka ra kauhisma kaka, klaki dakbi bara laihura lulks; kan kau pain sa raya kaia ra mihtam âpu, apia kaka minam âpu wih dimma, sakuna ban kaia pata klauhan ra mihtam wâl bara minam wâl brih mai lulkka lika apia.

Matiu 21:14

Bara tempel ra blain nani kum kum bara skahwa nani sin Jisas lamara balan, bara witin mita sut rakan.

Matiu 8:10

Jisas naha walan ba ra, tâ iwan, bara ai nina bliki nani ra win: —Kasak pali man nani ra mai wisna, Israel luhpia nani tilara naha waitnika kasak lukanka uya bri na sât kau yang sakras.

Matiu 9:32

Blain nani taki auya kan ba ra, upla kum kum mita sturi aisaras kum brih balan; witin ba pirit saura sin bri kan.

Matiu 9:33

Jisas mita pirit saura ba latara kangbi sakan wal baku, bîlas ba mahka sturi aisin. Bamna upla nani ba tâ iwi, naku aisan: —¡Yawan Israel tasbaya ra nahmuna dukia kau kaikras!

Matiu 9:8

Upla nani naha kaikan ba ra, sirang iwi banhwan, bara Gâd ra mayunan upla nani ra baku karnika yaban ba dukiara.

Mark 2:12

Baha siknis kata ba mahka buan, ai krikrika ba brih, baha wina mahka taki wan upla sut mawanku. Naha mita upla sut tâ iwi, Gâd ra mayunan, naku wisi: —Yang nani kau naku pali diara kum kaikras.

Mark 7:37

Bara witin nani tâ iwi, naku aisin: “Diara sut pain daukisa: ¡kiama prawan nani yan walisa, bîla skalwi aisi nani yan sturi aisisa!”

Mark 9:43

Bara mihtam ba mita saura ra mai batakisa kaka, kau yamni sa klaki dakma; kan kau aitani sa raya kaia ra mihtam kumi baman brih dimaia, bara mihtam wâl brih hil pauta ra waia apia. Bahara sika pauta ami ban kabia.

Luk 14:13

Baku bamna, plun tara daukma ba ra, upla umpira nani ba paiws, mina dakwan nani ba, skahwa nani bara blain nani ba sin;

Luk 14:21

Alba ba kli tawi bal, ai dawanka ra diara nani ba sut wisata. Dawanka ba kupia baiwan, bara ai albika ra wisata: ‘Aihni taki was yabal nani ra, tawan yabal dimi nani ra sin, bara nahara paiwi bri bal upla umpira nani, mina dakwan nani, blain nani bara skahwa nani sin.’

Luk 18:43

Baha sim piua ra, blain kata ba sip kan diara kaikaia, bara mahka Jisas nina blikan, Gâd nina mayuni. Bara upla nani naha kaikan ba sin sut Gâd ra mayunan.

Luk 7:16

Upla sut naha diara kaikan ba ra, sibrin taki, mahka Gâd ra mayuni, win: —Prapit kum bal takan. Baku sin aisi kan: —Gâd balan ai uplika nani ra hilp munaia.

Jan 9:24

Bara Ju nani mita kan piua ra blain kan waitnika ba kli paiwi, win: —Diara kasak ba wan wis Gâd mawanra; kan yang nani kaikisna baha waitnika ba lika saura dadaukra sa.