Matiu 15:28 - DAWAN BÎLA AISKA

²⁸ Bara Jisas bila: —¡Mairin, kasak lukankam ba tara brisma ba! Bamna dîa lukisma ba kat daukan kabia. Baha sim pali piua ra luhpia mairin kata ba rawan.

Matiu 15:28 ပူးပေါင်းရင်းမြစ်များ

Job 13:15

Ban kra witin bui ai ikbia sin, ban sakuna wapni kaia sna, witin mawan kat bûi raitki brisna ba aisaia sna.

Job 23:10

Mini lulkanka bani witin kaikisa, tâinka pliki kaikbia kaka, aihwa kamna gul aihwa ba wal baku.

Lawana Nani 145:19

Witin ra luki banhwi ba brinka kat, witin daukbia: witin nani wini yaba sin walbia, bara swaki sâkbia.

Inanka Nani 3:32

Âu, witin mita upla ra pât saura blikisa, sakuna umpira sin kaikisa, kan witin latwanka lâka ba tara pali bamna.

Matiu 14:31

Baha pali piua, Jisas mita mihta ra alki, win: —¡Man kasak lukan lâka uya âpu sma! ¿Dîa kan namhpa namhpa lukram?

Matiu 15:27

Sakuna mairin ba pana win: —Âu, Dawan; sakuna yul nani sin ai dawanka nani pata yuya tibil wina kauhi ba, wahbi pîsa.

Matiu 8:10

Jisas naha walan ba ra, tâ iwan, bara ai nina bliki nani ra win: —Kasak pali man nani ra mai wisna, Israel luhpia nani tilara naha waitnika kasak lukanka uya bri na sât kau yang sakras.

Matiu 8:13

Bara Jisas mita kiaptin ba ra win: —Wamtla ra was, bara dîa lukram ba kat daukan kabia. Bamna alba ba baha sim piua ra rawan kan.

Matiu 9:22

Sakuna Jisas ai ninara tawi, mairka ra kaiki, naku win: —Luhpi mairin, man karnikam bris; kasak lukram bamna, man rawram sa. Bara baha pali piua ra witin rawan.

Mark 5:34

Bara Jisas mita win: —Luhpi mairin, kasak lukram bamna, rawram sa. Kupiam kumi was, bara sikniskam wina rawram sa.

Luk 17:5

Apastil nani Dawan ra makaban: —Kau kasak lukan lâka ba yang nani ra aik.

Luk 7:50

Sakuna Jisas mita mairin ba ra win: —Man kasak lukram bamna, swaki mai sakan sa; bamna kupiam kumi wal was.

Luk 7:9

Jisas naha diara walan ba ra, waitna ba dukiara tâ iwan, bamna witin ai nina bliki kan uplika nani ra tawi kaiki, naku win: —Kasak pali mai wisna, naha waitna kasak lukan lâka manis bri na sât yang kau Israel ra sakras.

2 Tesalonaika 1:3

Muihni nani, piu bani man nani sut dukiamra yang nani mita Gâd ra tingki wiaia sna; aitani sa baku dauki banhwi kamna, kan man nani kasak lukankam lâka ba tara pâwisa, bara pana pana walkam ra latwan lâka brisma ba sin piua bani kau tara takisa.

1 Samuil 2:30

Baku bamna, Dawan, Israel Gâdka ba, man bara tamya nani sin ban kaia ra ai dukia dauki kabia win ba, nanara wisa: ‘Yang aisari ba baku ban kabia apia, sakuna ya pain ai kulki ba baha uplika ra yang mita sin pain kulkamni, bara bahki ai kulki nani ba swira daukan kaia lâka ra mangkamni. Yang, Dawan, baha kasak aisisni.