Matiu 15:18 - DAWAN BÎLA AISKA

¹⁸ Sakuna wan bîla wina taki ba, baha ba wan kupia wina aula; naha sika upla ra tâski dauki ba.

Matiu 15:18 ပူးပေါင်းရင်းမြစ်များ

Lawana Nani 36:3

Witin saura baman aisisa, kunin baman aisisa ba mita lâ kasak aisaia ba âuya tiwan, yamni kaia ba sin mahka swisa.

Sins Lâka 10:32

Upla kasakkira nani ba, diara yamni man aisisa; upla watawikira nani lika diara saura nani baman aisisa.

Sins Lâka 15:2

Upla sinskira nani aisanka wina, sins lâka ba urhwi takisa, sakuna sinskas nani bîla aisanka wina, tanis lâka tânka nani ba takisa.

Sins Lâka 15:28

Upla kasakkira ba, nahki upla ra pana aisaia ba luki kaiki aisisa, sakuna upla watawikira nani ba, ai bîla wina diara saura nani saki yakabisa.

Sins Lâka 4:23

Lukankam main kaiks diara sut purkara, kan witin sika rayaka kârma.

Sins Lâka 6:12

Upla rugkira bara aisawan nani ba, piu bani kunin aisi wataukisa;

Matiu 12:34

¡Piuta kiamka nani! ¿Nahki sip sma ki diara pain nani aisaia, kan man nani pali saurakira sma ba? Kan wan bîla ni aisi ba lika wan kupia aibanhwan ba wina aula.

Matiu 15:11

Upla bîlak dimi dukia ba lika witin ra tâski daukras. Sakuna, upla bîla wina taki ba baha sika witin ra tâski dauki ba.

Matiu 15:17

¿Kaikras sma ki dîa dîa wan bîla ra dimi ba wan biara ra auya, baha ningkara wan wîna tara ba wina takisa?

Mark 7:20

Bara ban sin win: —Dîa dîa upla wina takuya ba lika, upla ra tâski daukisa.

Luk 19:22

Bara kingka mita pana win: ‘Alba saura, man bîlam aisisma ba wal lâmka daukamna. Yang waitna karna sna tânka ba man kaikisma, bara wahbisna yang mita iki swiras sna ba wina, bara mâ sin krikisna yang mita mangkras sna ba wina.

1 Samuil 24:13

Wan damika nani aisinka kum ba naku wisa: ‘Watawika lâka ba, watawikira nani wina sa’; ba mita yang pali lika king tara ra mihti bukamna apia.