Matiu 15:11 - DAWAN BÎLA AISKA

¹¹ Upla bîlak dimi dukia ba lika witin ra tâski daukras. Sakuna, upla bîla wina taki ba baha sika witin ra tâski dauki ba.

Matiu 15:11 ပူးပေါင်းရင်းမြစ်များ

Lawana Nani 10:7

Ai bîla ba lahtubi aisinka ni banhwan sa, kuninka nani, ikaia nina blikaia; upla taibaia lâka ba, watawi munanka nani yukuki aisisa.

Lawana Nani 12:2

Witin nani bani ai uplika ra kunin bîla aisisa; ai mawan wâl, ai bîla wâl bri aisisa.

Aiseya 37:23

¿Ya ninara saura aisi lawaska kikram? ¿Baku sin ya mapara bîlam karna saki aisaram bara Israel sunukira Gâdka mapara namkra nani ba pura kat bukram?

Matiu 15:10

Bara Jisas bui upla nani ra wini, naku win: —Man nani wals bara tânka sin bris:

Matiu 15:12

Bamna disaipil nani Jisas lamara bal makabi walan: —¿Kaikisma ki parisi nani man aisaram ba wali, ai kupia baikan ba?

Mark 7:15

Dîa dîa lata wina upla ra dimi ba, sip tâski daukras. Sakuna upla kupia wina taki ba lika, upla ra tâski daukisa.

Roman 14:14

Yang kasak daira walisni diara saura kumi sin âpu sa; Dawan Jisas ra kasak lukisna ba mita sakuna upla kum lukisa diara kum saura, bâra sa witin mapara sika baha ba saura.

Roman 14:17

Bamna Gâd King aimaki ba lâka lika piaia, diaia wal tânka apia sa, sakuna baha lika wan rayaka wapni briaia lâka sa, bara kupia kumi lâka bara lilia lâka Spirit Holikira bâk yawan bri ba tânka sika.

Roman 14:20

Dîa dîa pisma ba tâka mita, yarka Gâd warkka bahki ra tawbiara. Plun sut lika klin sa, baha tânka ba param sa; sakuna dîa dîa pi ba mita upla wala mina batakisa kaka, baha lika saura sa.

1 Timoti 4:3

Naha uplika nani smalkisa, marit takaia apia bara plun tila nani piaia ba sin saura sa; sakuna Gâd mita naha pata nani na paskan, lalukra nani bara kasak tânka kakaira nani ba witin ra tingki yabi ningkara, pibia dukiara.

Taitus 1:15

Ani uplika nani ai sinska klin bri ba mapa ra, diara sut ba klin sa; sakuna kasak lukras uplika nani bara ai sinska sin klin briras ba mapa ra lika, diara kumi sin klin âpu sa, kan witin nani sinska ba bara ai kupia dara walra ba sin tâski baman sa.

Hibru Nani 13:9

Smalkanka sât aihka nani bara tringsar nani mita yarka yabal kasak ba wina mai brih wabiara. Wan sulka nani ba Gâd kupia yamnika lâka ba karnika bribia ba kau pain sa, plun lâka nani bîla wali daukaia ba wal; baha nani naha lâka nani bîla wali dauki banhwi na wina hilp kumi sin briras sa.

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.