Matiu 14:19 - DAWAN BÎLA AISKA

¹⁹ Bara adar yan uplika nani ba twi purara iwbia. Baha ningkara, brit matsip bara inska wâl ba ai mihta ra brih, kasbrika purara kaiki, Gâd ra tingki win, britka nani ba kriki, ai disaipilka nani ra yaban, bara witin nani bui upla nani ra yuan.

Matiu 14:19 ပူးပေါင်းရင်းမြစ်များ

Matiu 14:18

Jisas witin nani ra win: —Man nani baha nani nâra yang ra bri bal.

Mark 6:39

Ba ningkara adar yaban upla nani ba dakni ra twi kura purara iwbia.

Mark 6:41

Ningkara Jisas mita brit matsip bara inska wâl ba ai mihta ra brih, kasbrika purara kaiki, yamni munan, bara brit nani ba krikan; bara ai disaipilka nani ra yan upla nani ra yabaia. Inska wâl ba sin yuan.

Mark 7:34

Bara kasbrika purara kaiki, ai wingka puhbi bara win waitnika ra: “¡Efatá!” (baha tânka lika: “¡Ilingwi bas!”)

Luk 22:17

Baku bamna, Jisas ai mihta ra kâp kum brih, tingki wih, ningkara naku win: —Naha na brih, man nani tilamra yui bris;

Luk 22:19

Baha ningkara, brit ba ai mihta ra brih, tingki wih, kriki, disaipil nani ra yabi, win: —Naha sika wîni tara, man nani sut dukiamra yan kabia ba. Naha na yang ra luki, dauki bas.

Luk 24:30

Witin nani aikuki pat tibil ra iwi kan ba ra, witin ai mihta ra brit ba brih, yamni muni, kriki, witin nani ra yan.

Luk 9:14

Kan waitna nani ba 5,000 kata. Sakuna Jisas ai disaipilka nani ra win: —Man nani upla nani ba yas dakni dakni ra iwbia, dakni bani ba 50 prais.

Luk 9:16

Bamna Jisas ai mihta ra brit matsip ba bara inska wâl ba sin brin. Bara ai nakra buki, kasbrika purara kaiki, baha nani dukiara tingki win; ningkara, kriki muni ai disaipilka nani ra yan, upla nani ra yabia dukiara.

Jan 11:41

Bamna walpa ba sakan. Bara Jisas kasbrika purara kaiki, naku aisin: —Aisa, yang tingki mai wisna man bîli baikra walram bamna.

Jan 6:23

Ban sakuna, Tiberias wina duri tara wala nani sin balan, Dawan ra tingki win ningkara, witin nani brit pin ba pliska lamara.

Apastil Nani Sturka 27:35

Pal baha aisin ningkara, ai mihta ra brit kum bri, Gâd ra tingki wisi, baha nani mawan kat kriki pin.

Roman 14:6

Bamna upla kumi yua kum aihka saki kulki ba lika, Dawan dukiara sa. Bamna ani uplika plun sâtka sut pi ba, baha sin Dawan mayunaia dukiara pîsa, kan witin mita Gâd ra tingki wisa; bara ani uplika sin plun tila nani piras ba, baha sin Dawan mayunaia dukiara piras sa, bara witin mita sin Gâd ra tingki wisa.

1 Korint 10:16

Yamni munan kapka wina yawan di ba ra Gâd ra tingki wisa, yawan Kraist aikuki kumi takisa witin ai tâlia ra; yawan brit kriki ba pi ba ra, yawan Kraist aikuki kumi takisa ai wîna ra.

1 Korint 10:31

Baku bamna, pi banhwisma sapa, di banhwisma sapa, dîa dîa daukisma sapa, sut ba Gâd prana dukiara dauki bas.

1 Korint 11:24

bara Gâd ra tingki wih, kriki, wisata: “Naha sika yang wîni tara, man nani dukiamra yaban ba. Naha na yang ra luki dauki bas.”

Kolosi 3:17

Dîa dîa daukma, apia kaka aisama ba sut, Dawan Jisas nina ra dauki bas. Witinka bâk Gâd wan Aisa ra tingki wi bas.

1 Samuil 9:13

Man nani bâra wama ba wal, witin ba pliks, sakripais daukaia watla ra plun piaia kau waras ba ra. Upla nani plun ba pibia apia witin wabia ba kat, kan witin mita pata ba yamni munisa, baha daukbia ba ningkara paiwan uplika nani ba sin pibia. Bara nanara pali man nani mahka was, witin kau bâra kaka wal prawaia sip sma.