Matiu 13:54 - DAWAN BÎLA AISKA

⁵⁴ bara witin ai tasbaya pali ra wata. Bahara prias watla ra mahka smalkan, bara upla nani tâ iwi, naku aisi kan: —¿Waitnika na sins lâka tara bri na, anira lan takan? ¿Sain aihka nani na, witin nahki daukisa ki?

Matiu 13:54 ပူးပေါင်းရင်းမြစ်များ

Lawana Nani 22:22

Yang bui man tânkam ba muihki nani ra smalkamni, upla kwâra tilara yang mamyunamni.

Matiu 2:23

Bahara wan ba ra, Nasaret tawanka ra wih iwan. Baha ba ban takan, Gâd prapitka nani aisin ba aimakaia ba mata: “Jisas ba Nasaret uplika mâkan kabia.”

Matiu 4:23

Jisas Galili tasbaya kir taukan, plis bani priaska watla nani ra smalki kan Gâd king aimaki sturka yamni ba; bara siknis sât sât upla nani bri kan ba sut sin raki kan.

Matiu 7:28

Jisas aisi prakan ba ra, ai smalkanka dukiara upla nani tâ iwi kata;

Luk 2:47

Baha nani Jisas ra wali kan ba sut tâ iwan kan, ai sinska tara ba dukiara, pana dîa witin nani mita makabi wali kan tânka param wi ba dukiara sin.

Jan 1:11

Balan ai tasbaya pali ra, sakuna ai uplika nani mita witin ba briras kan.

Apastil Nani Sturka 13:46

Bamna Pal bara Bernabé wal lika sibrin âpu aisi, win: —Aitani pali kan Gâd bîla na man nani ra pas mai smalkaia. Sakuna man nani mita alki briras, raya ban kaia lâka ba sin brin mai daukras sa kaka, yang nani lika Ju apia uplika nani ra mahka auna.

Apastil Nani Sturka 4:13

Aidrubanka wihtka nani ba mita kaikan, Pita Jan wal lika sibrin âpu kira aisi kan, bara kaikan baha nani wauhkataya uya lan takras kan, upla wala nani wal baku. Bamna tâ iwi banhwata, kan latan kaikan naha nani Jisas wal tauki kan.

1 Samuil 10:11

Sakuna witin ai uplika kakaira almuk nani kan ba kaikan, Saúl sin prapit nani daknika tilara dahra aisi kan, bara witin nani pana pana tawi aisin: “¿Quis luhpia ra dîa takisa ki? ¿Saúl sin prapit nani kumika takan ki?”