Matiu 13:44 - DAWAN BÎLA AISKA

⁴⁴ “Gâd king aimaki lâka ba tasba kum ra diara manira yukukan ba baku sa. Baha ba upla kum sakisa, bara baha sim tasbaya ra yukukisa. Ai lilia bamna, ai dukia nani bri ba sut wauhi atki muni, baha tasbaya atkisa.

Matiu 13:44 ပူးပေါင်းရင်းမြစ်များ

Job 28:13

Upla ba tânka briras witin mana ba nahki sapa, naha tasba ra sin sâkbia apia sa.

Sins Lâka 16:16

Sins lâka alki briaia ba, kanra yamni sa gul pain briaia ba wal. Diara tânka brih, lukaia lâka pliki briaia ba sin, silbar wal kanra yamni sa.

Sins Lâka 17:16

¿Dîa muni upla sinskas ba, ai mihta ra lalah brih aula sins lâka atkaia, witin diara tânka kaikaia briras ba ra?

Sins Lâka 18:1

Witin baman diara briaia luki uplika ba, ai kupia brinka man plikisa, bara upla wala nani smalkanka yamni dauki ba mapara aisisa.

Sins Lâka 23:23

Kasak tânka ba bara sins lâka ba atki bris, smalkanka bara diara tânka alkaia ba, ¡atkrika wabiara!

Aiseya 55:1

‘‘Diran dauki nani sut, man nani bal lî nâra sa dis; lalah âpu nani, man nani sin bal, mana luha plawar pis; wain laya, tialka laya sin, mana luha bris.

Matiu 13:24

Naha maprika lilka wala na sin Jisas mita baha nani ra wisata: “Gâd king aimaki lâka ba waitna kum ai nasla ra saumuk yamni mangkan ba baku sa;

Matiu 13:46

bara kumi kau mana pali ba witin sakuya ba ra, witin auya bara diara bri ba sut wauhi atki, bara baha walpaya kau manakira ba atki brisa.

Matiu 13:47

“Gâd king aimaki lâka ba sîn kum kabu ra lulki, inska sât sât alki ba baku sa.

Matiu 19:21

Jisas pana witin ra win: —Man kasak pali takan mai daukisa kaka, was bara dîa dîa brisma ba atki upla umpira nani ra yas, bara baku lika kasbrika purara yuya nani bri kama; baha ningkara bal, bara nini blîks.

Matiu 19:27

Bara Pita mita witin ra win: —Dawan, yang nani dîa dîa bri kapri ba sut swi si, ninam blikisna. Baku bamna, ¿yang nani dîa brimna ki?

Matiu 19:29

Bara ya ya ai watla nani, ai muihni nani, ai lakra nani, ai aisa, ai yapti, ai maya mairin, ai luhpia nani, ai tasbaya nani sut yang tâiwan swin nani ba, 100 prais kau bribia bara raya ban kaia ba sin witin nani dukia kabia.

Matiu 6:21

Kan ani pliska ra dukiam nani suni bri kama ba ra, kupiam sin bahara kabia.

Luk 14:33

Baku sin, ya man nani tilam wina witin dîa bri ba sut swiras kaka, yang disaipilki kaia sip apia sa.

Jan 6:35

Bara Jisas pana win: —Yang sika raya kaia yabi britka ba. Ya yang ra aula ba kli plun daukbia apia; bara yang ra kasak luki ba, kli sin diran daukbia apia.

Roman 15:4

Bamna patitara piua wina dîa dîa Ulbanka ra aisin ba, baha lika yang nani ra ai smalkaia dukiara ulban, wihka bîla kaikaia lâka bri ba mita bara Ulbanka nani mita wan maisa nihki ba mita, wan kainara diara briaia ba luki kabia.

Kolosi 2:3

bamna Kraist ra sika sins lâka bara diara tânka briaia nani yuyaka aiska sut kuki swin ba.

Kolosi 3:16

Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas.

Hibru Nani 10:34

Man nani silak watla ra nani kan ba ra umpira kaikram, bara dukiam nani mihtam dakbi kan ba ra sin liliakira kiki kapram, kan kaiki kapram man nani ba kasbrika purara diara kau pain kum brisma, bara baha ba ban kaia ra bâra ban sa.

Param Marikanka 3:18

Baha mita, man ra mai smalki mai wisni, yang wina gul pauta ra pain pali slilkan ba atkma, bara baha mita kasak pali yuyakira kama. Yang wina sin kwala pihni atks, bara wînam kwala âpu swiram kira ba dimaia. Yang wina sin wan nakra saika atks, bara namkra diara kaikaia sip kama.