Matiu 13:14 - DAWAN BÎLA AISKA

¹⁴ Baku, witin nani bâk prapit Aiseya aisin ba tânka aimakisa: ‘Dîa nahki prais walma sin tânka sip brima apia; dîa nahki prais kaikma sin sip kaikma apia.

Matiu 13:14 ပူးပေါင်းရင်းမြစ်များ

Jirimaya 5:21

‘Tanis lamla karna takan uplika, man nani naha wals, namkra brisma sakuna kaikras, kiamam brisma sakuna walras sma ba.

Isikiel 12:2

“Upla luhpia, man upla mapara babura tilara iwisma; baha nani ai nakra nani brisa kaikaia kuna kaikras, bara ai kiama bri banhwisa walaia kuna walras, kan mapara babura uplika sa bamna.

Mark 4:12

ai nakra ni kaikbia, sakuna kaikras baku kabia, walbia sakuna sip tânka briras kabia, ai kupia nani lakbia apia, ai saurka nani sin swih tikras kabia.”

Luk 8:10

Bara witin bila: “Gâd mita man nani ra lika ai kingka lâka diara yukukan nani ba tânka briaia maikan sa; sakuna upla wala nani ra lika maprika ra baman aisisna, witin nani kau kaikbia, bara kau kaikras takbia, bara kau walbia ba ra, kau tânka bribia apia.

Roman 10:16

Sakuna upla sut lika swaki sakan sturka smalkanka ba kat kasak walras. Baha lika Aiseya aisi ba baku: “Dawan, ¿ya mita wan smalkanka ra kasak lukan ki?”

2 Korint 3:14

Sakuna witin nani sip tânka briras kata. Bara naiwa kat baha tânka sip briras sa, lâ almuk wauhkataya aisi kaiki banhwi ba ra, baha sim mawan prakaia kwalka ba sakras ban bâra sa bamna; baha kwalka ba sip sa sakaia Kraist mita baman.

Kli Smalkanka 29:4

Sakuna nanara kat sin, Dawan mita maikras sa kupiam ra, bara sinskam ra baha tânka nani ba luki pliki kaikaia.