Matiu 12:42 - DAWAN BÎLA AISKA

⁴² Waupasa kwinka ba sin lâ daukaia yua ra, naha uplika nani lâka daukbia bamna, witin bubia, naha uplika nani ra pât ra lakbia, kan witin lika tasba laih wina balan Salaman sinska tara bri ba walaia, bara yang bui man nani ra mai wisna, nahara diara kum sa Salaman purkara kau tara ba.

Matiu 12:42 ပူးပေါင်းရင်းမြစ်များ

1 King Nani 10:24

Upla nani ba brin dauki kan Salaman ra kaikaia, bara sinska lâka Gâd mita yan ba sin walaia.

1 King Nani 3:12

Bara kaiks, yang lika man bîlam nani kat daukamna. Bamna kaiks, yang kupia sinskira lâka ba maikuna, diara sut tânka pain bri kaia, bara man baku wala kainamra âpu kan, bara ningkamra sin âpu kabia.

1 King Nani 3:28

Bara Israel aiska king lâ daukan ba walan, bara king ra sibrin taki banhwata, kan kaiki banhwan Gâd wina sinska lâka brin lâ kasak ba aisi daukaia dukiara.

1 King Nani 3:9

Baku bamna, aik kupi ra sins lâka, bara baku lika sip kamna tâ briaia uplikam lâka wapni kat aisi dauki kaia, saura yamni ba tânka pain bri kaia. ¿Bamna uplikam nani ailal pali na ya sip kabia ki tâ briaia?”

1 King Nani 4:29

Bamna Gâd bui Salaman ra sins lâka bara diara tânka kaikaia lâka tara pali ba yan kata, sim auhya nani kabu un ra ba baku.

1 King Nani 4:34

Bara Salaman sinska walaia dukiara, nisan nani sut wina upla nani aidrubi kan, king nani sin sut balan ai sinska lâka ba walaia.

1 King Nani 5:12

Dawan aisin baku, witin Salaman ra sins lâka yan. Bara Hiram Salaman wal ba kupia kumi lâka bri kan, witin nani wal lâ daukan kata ba baku.

Aiseya 7:14

Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Matiu 12:41

Ninibi tawanka ra iwan uplika nani ba lâ daukaia yua ra, naha piua uplika nani lâka daukbia ba ra, witin nani mita naha uplika nani ra pât ra lakbia, kan Jona mita Gâd sturka Ninibi uplika nani ra smalkan bamna, witin nani ai kupia lakan; sakuna man nani ra mai wisna, nahara diara kum sa Jona purkara kau tara ba.

Matiu 12:6

Bamna yang bui man nani ra mai wisna: nahara diara kum sa, tempel purkara kau tara ba.

Matiu 17:5

Kau Pita aisi kan ba ra, kasbrika ingni kum witin nani ra madiskan; bara kasbrika ba wina bîla baikra kum aisin, naku walata: “Naha sika Luhpi laitwankira. Witin sika yang bâk saki briri ba. Man nani bui witin ra wals.”

Matiu 3:17

Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 1:18

Upla kumi sin Gâd ba kaikras pali sa, sakuna ai Luhpia kumi baman, witin sika Gâd, Aisa lama pali kat wal asla iwi ba, witin mita sika Gâd tânka ba wan marikan.

Kli Smalkanka 30:13

Kabu baila wala ra sin apia sa, bara wiaia: ‘¿Ya wabia kabu baila wala ra, yawan wan watlika ra wabia, bara yawan ra bri balaia, wan marikaia bara yawan daukaia?’