Matiu 12:35 - DAWAN BÎLA AISKA

³⁵ Upla yamni ba diara yamni nani aisisa, ai kupia ra diara yamni baman sa bamna, upla saura ba diara saura nani aisisa, saurka ba ai kupia ra sa bamna.

Matiu 12:35 ပူးပေါင်းရင်းမြစ်များ

Job 8:10

Sakuna damikam nani ba sip sa mai wiaia, bamna witin nani diara tânka uya pali mai smalkbia.

Sins Lâka 12:6

Upla watawikira nani bîla aisinka ba lika, mina alkaika kum sa; waitna kasakkira ba lika, swak takan lâka sa.

Sins Lâka 15:23

Pana aisaia bîla pali ba walaia lilia wan sakisa, sakuna nahki prais kau lilia sa baha piua pali kat walaia.

Sins Lâka 15:28

Upla kasakkira ba, nahki upla ra pana aisaia ba luki kaiki aisisa, sakuna upla watawikira nani ba, ai bîla wina diara saura nani saki yakabisa.

Sins Lâka 15:4

Latwan luki wan twisa tawa aisi ba, raya kaia dusa sa, kuna warha aisi kaka, upla spiritka sauhkisa.

Matiu 12:34

¡Piuta kiamka nani! ¿Nahki sip sma ki diara pain nani aisaia, kan man nani pali saurakira sma ba? Kan wan bîla ni aisi ba lika wan kupia aibanhwan ba wina aula.

Matiu 13:52

Baku bamna, Jisas bila: —Lâ Smasmalkra kum kasbrika purara ba kingka aimaki ba lâka tânka ba pain lan takuya ba ra, kiaptin kum baku sa; witinka ai yuyaka nani wina diara raya nani bara almuk nani sin sakaia ba pain kaikisa.

Matiu 7:17

Baku bamna, dus yamni bani mâ yamni sakisa, bara dus saura bani mâ saura baman sakisa.

Luk 6:45

Upla yamni ba sturi yamni baman aisisa, kan ai kupia ra diara pain baman bâra sa; bara upla saura ba sturi saura baman aisisa, kan saurka ba ai kupia ra sa. Bamna wan bîla ni aisi ba, wan kupia ra bri ba wina takisa.

Epesus 4:29

Sturi aisi banhwisma ba ra uplikam mapara bîla saura lika aisapara, sakuna hilp munaia bîla ni aisas, dîa witin want dukia ba yama bara baha wal pâwbia, bara bahmuna bîla aisaram wali uplika ba mapara hilpka pali sa.

Kolosi 3:16

Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas.

Kolosi 4:6

Sturi nani aisisma ba sut sin pain bara auhni kabia, bara kaiki banhwi kaia sma, dîa upla ra pana aisaia sma ba.