Witin lika Gâd watla ra dimi, brit yamni munan nani ba brih pin; baha lika witin bara ai uplika nani kumi sin piaia adar âpu kan, prîs nani baman lika.
Bara witin nani bui Jisas ra win: —¿Walisma ki baha nani aisi ba? Jisas pana win: —Âu, yang walisna. ¿Sakuna Ulbanka ra naha tânka aisi ba man nani aisi kaikras ki? Naku wisa: ‘Tukta sirpi swap lupia tiala di nani lawana ba wal man ra mamyunaia ba yaram sa.’
Sakuna pruan nani buaia ba dukiara, ¿man nani Moses wauhkataya ra aisi kaikram ki, nahki witin ra kiaya dusa klauhi kan wina aisin ba baku? Witin ra naku win: ‘Yang sika Ebraham, Aisak, Jekob Gâdka.’